भारतीय रेल्वेने २०१८ -१९ या कालावधीत प्लॅटफॉर्म तिकीट विक्री, प्लॅटफॉर्मवर असलेल्या विविध जाहिराती व दुकानांद्वारे जवळपास ३५० कोटी रूपयांची कमाई केली आहे. प्लॅटफॉर्म तिकीट विक्रीतून १३९.२० कोटी रूपये तर रेल्वे स्थानाकांमधील प्लॅटफॉर्मवर असलेल्या विविध जाहिराती व दुकानांद्वारे देखील रेल्वेची २३०.४७ कोटींची कमाई झाली असल्याची माहिती, केंद्रीय रेल्वेमंत्री पीयूष गोयल यांनी शुक्रवारी राज्यसभेत दिली. Railway Minister Piyush Goyal in Rajya Sabha: Rs 139.20 crore was earned from the sale of platform tickets in the year 2018-19. 230.47 crore was earned from advertisements and shops including those on platforms in the year 2018-19. pic.twitter.com/hFt0YvSqSu — ANI (@ANI) July 26, 2019 मागिल महिन्यातच गोयल यांनी माहिती दिली होती की, भारतीय रेल्वेने आर्थिक वर्ष २०१७-१८ मध्ये २०४.१० कोटी व २०१८-१९ मध्ये २२३.५३ कोटी रूपये भाडे बाह्य महसूलद्वारे कमावले आहेत. तर, काही दिवस अगोदरच त्यांनी रेल्वेचे खासगीकरण करण्याचा प्रश्नच उद्भवत नसल्याचे म्हणत, राष्ट्रीय हितासाठी काही रेल्वेमार्ग व प्रकल्प यात खासगी गुंतवणुकीला परवानगी देण्यात आली असल्याचे सांगितले होते.