22 October 2020

News Flash

रेल्वेच्या दांडीबहाद्दर कर्मचाऱ्यांवर गंडांतर, १३ हजार जणांची नोकरी जाणार

निष्ठावान आणि कष्टाळू कर्मचाऱ्यांचे मनोबल वाढवण्यासाठी

प्रतिनिधिक छायाचित्र

भारतीय रेल्वेने दांडीबहाद्दर कर्मचाऱ्यांकडे वक्रदृष्टी वळवली आहे. जे कर्मचारी दीर्घ काळापासून परवानगी न घेता अनुपस्थित आहेत अशांवर कारवाई करण्यात येणार आहे. विशेष म्हणजे रेल्वेने कोणत्याही सूचनेशिवाय कामावर येत नसलेल्या १३, ५०० कर्मचाऱ्यांना शोधून काढले आहे. अशा कर्मचाऱ्यांची सेवा समाप्त करण्याची कारवाईही रेल्वे प्रशासनाने सुरू केली आहे.

रेल्वे प्रशासनाने एका निवेदनाद्वारे ही माहिती दिली. रेल्वेची कामगिरी चांगली होण्यासाठी व निष्ठावान आणि कष्टाळू कर्मचाऱ्यांचे मनोबल वाढावे यासाठी एक अभियान सुरू केले आहे. ही कारवाई त्याचाच भाग असल्याचे प्रशासनाने म्हटले आहे.

रेल्वेतील विविध विभागात दीर्घ कालावधीपासून अनाधिकृतपणे अनुपस्थित असलेल्या कर्मचाऱ्यांना शोधण्यासाठी एक व्यापक अभियान सुरू करण्यात आले. या अभियानात रेल्वेला १३ लाख कर्मचाऱ्यांमधून १३,५०० असे कर्मचारी आढळून आले, जे कोणतीही सूचना न देता दीर्घ कालावधीपासून अनुपस्थित आहेत. त्यामुळे रेल्वेने अशा अनुपस्थित कर्मचाऱ्यांची सेवा समाप्त करण्यासाठी नियमानुसार अनुशासनात्मक कारवाई सुरू केली आहे. रेल्वेने सर्व अधिकारी आणि पर्यवेक्षकांना योग्य ती प्रक्रिया करून अशा कर्मचाऱ्यांचे नाव सूचीतून हटवण्याचे निर्देश दिले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 10, 2018 8:50 am

Web Title: indian railways initiates disciplinary action against over 13500 employees who have been on long unauthorised leaves
Next Stories
1 जम्मू काश्मीरमधील सुंजवा लष्करी तळावर दहशतवादी हल्ला, २ जवान शहीद
2 मालदीवमध्ये हस्तक्षेपास भारत अनुत्सुक
3 आरोग्य योजनेसाठी राज्यांना ४३३० कोटींच्या तरतुदीची गरज
Just Now!
X