News Flash

देशात २४ तासांत ८५ हजार ३६२ नवे रुग्ण; करोनाबाधितांनी ओलांडला ५९ लाखांचा टप्पा

मागील २४ तासांमध्ये देशभरात १ हजार ८९ रुग्णांचा करोनामुळे मृत्यू

प्रतिकात्मक छायाचित्र

जगभरात थैमान घालत असलेल्या करोना विषाणूचा प्रादुर्भाव देशात अद्यापही दिवसेंदिवस अधिकच वाढताना दिसत आहे. मागील २४ तासांत देशभरात ८५ हजार ३६२ नवे करोनाबाधित आढळले असून, १ हजार ८९ रुग्णांचा मृत्यू झाला आहे. देशातील करोनाबाधितांच्या एकूण संख्येने आता ५९ लाखांचा टप्पा देखील ओलांडला आहे. एकूण करोनाबाधितांची संख्या ५९ लाख ३ हजार ९३३ वर पोहचली आहे.

देशभरातील एकूण ५९ लाख ३ हजार ९३३ करोनाबाधितांमध्ये ९ लाख ६० हजार ९६९ अॅक्टिव्ह रुग्ण, करोनामुक्त झालेले व डिस्चार्ज मिळालेले ४८ लाख ४९ हजार ५८५ जण व आतापर्यंत मृत्यू झालेल्या ९३ हजार ३७९ जणांच्या संख्येचा समावेश आहे. आरोग्य व कुटुंब कल्याण मंत्रालयाच्या हवाल्याने एएनआयने हे वृत्त दिले आहे.

कालपर्यंत (२५ सप्टेंबर) देशात एकूण ७,०२,६९,९७५ नमूने तपासण्यात आले. त्यातील १३ लाख ४१ हजार ५३५ नमूण्यांची काल तपासणी झाली आहे. आयसीएमआरच्या हवाल्याने ही माहिती देण्यात आली आहे.

करोना व्हायरसचा फैलाव रोखण्यासाठी भारत बायोटेकने विकसित केलेल्या स्वदेशी ‘कोव्हॅक्सीन’ लशीची तिसऱ्या फेजची चाचणी लवकरच सुरु होणार आहे. ऑक्टोबर महिन्यापासून लखनऊ आणि गोरखपूरमध्ये ‘कोव्हॅक्सीन’ची तिसऱ्या फेजची चाचणी सुरु होणार असल्याचे उत्तर प्रदेश सरकारने जाहीर केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 26, 2020 9:49 am

Web Title: indias covid 19 case tally crosses 59 lakh mark msr 87
टॅग : Coronavirus
Next Stories
1 “भारताला त्यांच्यासारख्या पंतप्रधानाची…,” राहुल गांधींकडून मनमोहन सिंग यांना वाढदिवसाच्या शुभेच्छा
2 सीबीआय तपासावर सुशांतचं कुटुंब नाराज; वकील विकास सिंह यांचा दावा
3 आरोप करणाऱ्या पाकिस्तानला भारतानं सुनावलं; POK वरील अवैध ताबा सोडा
Just Now!
X