News Flash

देशातील करोनाबाधितांची एकूण संख्या ६८ लाखांच्या पार; २४ तासांत ७८,५२४ नवे रुग्ण

९ लाखांपेक्षा अधिक अॅक्टिव्ह केस

देशात करोनाचा प्रादुर्भाव वाढताना दिसत आहे. गेल्या काही दिवसांमध्ये करोनाबाधितांच्या संख्येत घसरण दिसली होती. परंतु आता पुन्हा एकदा ही संख्या वाढताना दिसत आहे. देशातील करोनाबाधितांच्या एकूण संख्येनं ६८ लाखांचा टप्पा पार केला असून गेल्या २४ तासांमध्ये ७८,५२४ नव्या रुग्णांची नोंद करण्यात आली आहे. तर चोवीस तासांमध्ये ९७१ जणांच्या मृत्यूचीही नोंद झाल्याची माहिती आरोग्य विभागाकडून देण्यात आली आहे.

गेल्या चोवीस तासांमध्ये देशात ७८ हजार ५२४ नव्या करोनाबाधितांची नोंद करण्यात आली आहे. यानंतर देशातील करोनाबाधितांची एकूण संख्या ६८ लाख ३५ हजार ६५६ इतकी झाली आहे. तर दुसरीकडे देशात सध्या ९ लाख २ हजार ४२५ जणांवर उपचार सुरू आहेत. आतापर्यंत ५८ लाख २७ हजार ७०५ रुग्णांनी करोनावर मात केली आहे. तर आतापर्यंत देशात १ लाख ५ हजार ५२६ जणांचा करोनामुळे मृत्यू झाल्याची माहिती आरोग्य विभागनं दिली आहे.

दरम्यान, देशात करोना चाचण्यांची संख्याही मोठ्या प्रमाणात वाढवण्यात आली आहे. बुधवारी देशात ११ लाख ९४ हजार ३२१ जणांची करोना चाचणी करण्यात आली. ७ ऑक्टोबरपर्यंत देशात एकूण ८ कोटी ३४ लाख ६५ हजार ९७५ जणांची करोना चाचणी करण्यात आल्याची माहिती आयसीएमआरकडून देण्यात आली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 8, 2020 10:53 am

Web Title: indias covid19 tally crosses 68 lakh mark with a spike of 78524 new cases 971 deaths reported in the last 24 hours jud 87
टॅग : Coronavirus
Next Stories
1 Bihar Election : शिवसेनेकडून स्टार प्रचारकांची यादी जाहीर
2 ‘खड्ड्यात जा’: तैवानचा स्वतंत्र देश म्हणून उल्लेख न करण्याच्या चीनच्या इशाऱ्यावर सडेतोड उत्तर
3 ‘आत्मनिर्भर भारत’वरून रघुराम राजन यांचा इशारा, म्हणाले…
Just Now!
X