22 September 2019

News Flash

INX Media Case: नाट्यमय घडामोडींनंतर अखेर पी चिदंबरम यांना अटक

सीबीआयने पी चिदंबरम यांना दिल्लीमधील जोरबाग येथील त्यांच्या निवासस्थानावरुन ताब्यात घेतलं आहे

आयएनएक्स मीडिया प्रकरणी काँग्रेस नेते आणि माजी केंद्रीय गृहमंत्री पी चिदंबरम यांना अटक करण्यात आली आहे. सीबीआयने पी चिदंबरम यांना दिल्लीमधील जोरबाग येथील त्यांच्या निवासस्थानावरुन अटक केली. पी चिदंबरम यांना अटक करण्यासाठी गेल्या दोन दिवसांपासून प्रयत्न सुरु होते. मात्र पी चिदंबरम बेपत्ता होते. अखेर २७ तासांनंतर पी चिदंबरम समोर आले आणि काँग्रेस कार्यालयात पत्रकार परिषद घेत आपली बाजू मांडली. यानंतर सीबीआय त्यांना अटक करण्यासाठी काँग्रेस कार्यालयात दाखल झाली होती. पण पी चिदंबरम घरी रवाना झाल्याने सीबीआयदेखील तिथे पोहोचलं आणि अटकेची कारवाई केली. मात्र यावेळी पी चिदंबरम यांच्या घराबाहेर हायव्होल्टेज ड्रामा पहायला मिळाला.

 

 

गेट उघडला जात नसल्याने सीबीआयला घरात प्रवेश करण्यासाठी मोठी कसरत करावी लागली.

Live Blog

22:04 (IST)21 Aug 2019
पी चिदंबरम यांना सीबीआय मुख्यालयात नेण्यात आलं आहे

21:52 (IST)21 Aug 2019
पी चिदंबरम यांना ताब्यात घेऊन अधिकारी रवाना झाले आहेत
21:47 (IST)21 Aug 2019
पी चिदंबरम ताब्यात

अखेर ३० तासांनंतर पी चिदंबरम यांना ताब्यात घेण्यात आलं आहे. 

21:42 (IST)21 Aug 2019
दिल्ली पोलिस उपायुक्त आणि सहआयुक्त पी चिदंबरम यांच्या घरी दाखल

दिल्ली पोलिस उपायुक्त आणि सहआयुक्त पी चिदंबरम यांच्या घरी दाखल झाले आहेत. ईडी आणि सीबीआयची टीम आधीच निवासस्थानी हजर आहे.

21:42 (IST)21 Aug 2019
ईडीची एक टीम चिदंबरम यांच्या निवासस्थानावरु रवाना

ईडीची एक टीम चिदंबरम यांच्या निवासस्थानावरुन रवाना झाली आहे. पोलिसांनी संपूर्ण परिसराला सील करण्यास सुरुवात केली आहे.

21:37 (IST)21 Aug 2019
पी चिदंबरम यांच्या घराबाहेर अधिकाऱ्यांना अडवण्याचा प्रयत्न
21:36 (IST)21 Aug 2019
सीबीआयचे मुख्य संचालक चिदंबरम यांच्या निवासस्थानी

परिस्थिती हाताबाहेर जात असल्याने सीबीआयचे मुख्य संचालक चिदंबरम यांच्या निवासस्थानी पोहोचले आहेत.

21:33 (IST)21 Aug 2019
ईडीची टीम चिदंबरम यांच्या निवासस्थानाबाहेर दाखल
21:31 (IST)21 Aug 2019
चिदंबरम यांच्या घराबाहेर समर्थकांचा जोरदार गोंधळ

चिदंबरम यांच्या घराबाहेर समर्थकांचा जोरदार गोंधळ सुरु असून पोलीस त्यांच्यावर नियंत्रण मिळवण्याचा प्रयत्न करत आहेत.

21:30 (IST)21 Aug 2019
सीबीआयच्या कारवाईवर कार्ती चिदंबरम यांचं ट्विट

First Published on August 21, 2019 8:15 pm

Web Title: inx media case congress leader p chidambaram cbi ed supreme court sgy 87