News Flash

इराकच्या संसदेचा परकीय फौजांना देशात प्रतिबंध करण्याचा ठराव

इराकी पंतप्रधान अदेल अब्दुल माहदी यांनी संसदेला परदेशी फौजा हटवण्याचे आवाहन केले होते.

(संग्रहित छायाचित्र)

इराकमध्ये यापुढे परदेशी फौजा राहू नयेत आणि त्यांनी इराकची भूमी, हवाई क्षेत्र आणि सागरी क्षेत्र यांचा कुठल्याही कारणासाठी वापर करू नये, असा ठराव इराकच्या संसदेने रविवारी पारित केला.

इराकमधील लष्करी मोहिमा थांबवण्यात आल्यामुळे आणि विजय मिळाल्यामुळे, आयसिसशी लढणाऱ्या आंतरराष्ट्रीय आघाडीने आपल्याला साहाय्य करण्याबाबत केलेली विनंती सरकार आता मागे घेत असल्याचे या ठरावात म्हटले आहे. इराकी सरकारने इराकच्या भूमीवरील कुठल्याही परदेशी फौजांचे अस्तित्व संपवण्यासाठी काम करावे आणि त्यांना कुठल्याही कारणासाठी आपली भूमी, हवाई क्षेत्र आणि सागरी क्षेत्र यांचा वापर करू देण्यास प्रतिबंध करावा, असे यात नमूद केले आहे.

इराकी पंतप्रधान अदेल अब्दुल माहदी यांनी संसदेला परदेशी फौजा हटवण्याचे आवाहन केले होते.

कासिम सुलेमानी यांचे पार्थिव इराणमध्ये

तेहरान : बगदादमध्ये अमेरिकेने केलेल्या हवाई हल्ल्यात ठार झालेले इराणचे सर्वोच्च लष्करी अधिकारी कासिम सुलेमानी यांचे पार्थिव रविवारी पहाटेपूर्वीच इराकमधून इराणच्या अहवाझ शहरात आणण्यात आले. तेथे असंख्य नागरिकांनी सुलेमानी यांच्या मृत्यूबद्दल शोक व्यक्त करून त्यांना श्रद्धांजली वाहिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 6, 2020 12:29 am

Web Title: iraqs parliament resolutions to ban foreign troops in the country abn 97
Next Stories
1 ‘जेएनयू’मध्ये हाणामारी; जेएनयूएसयूच्या अध्यक्षावर हल्ला
2 CAA : राहुल, प्रियंका, केजरीवाल यांनी दंगली घडवल्या; अमित शाह यांचा आरोप
3 अमेरिकेने ठार केलेल्या कासीम सुलेमानीचे काय आहे दिल्ली कनेक्शन?
Just Now!
X