22 February 2020

News Flash

पेट्रोल २५ रूपयांनी स्वस्त होऊ शकते, पी. चिदंबरम यांचा दावा

पेट्रोलचे दर १ किंवा २ रूपयांनी कमी करून केंद्र सरकार लोकांची फसवणूक करेल, अशी भविष्यवाणीही चिदंबरम यांनी केली.

काँग्रेसचे नेते पी. चिदंबरम.

काँग्रेसचे ज्येष्ठ नेते आणि माजी अर्थमंत्री पी. चिदंबरम यांनी पेट्रोल-डिझेलच्या दररोज वाढणाऱ्या किंमतीवरून मोदीसरकारवर हल्लाबोल केला आहे. देशातील पेट्रोलचे दर हे २५ रूपयांपर्यंत कमी होऊ शकतात, असा दावा चिदंबरम यांनी केले आहे. इतकी कपात करता येणे शक्य असले तरी सरकार या दिशेने पाऊल उचलत नसल्याचा आरोप त्यांनी केला. वाढत्या इंधन दरावर त्यांनी सलग ट्विट करत मोदीसरकारवर टीका केली. पेट्रोलचे दर २५ रूपयांपर्यंत कमी होऊ शकतात. पण सरकार असे करणार नाही. ते पेट्रोलचे दर १ किंवा २ रूपयांनी कमी करून लोकांची दिशाभूल करतील, असे ट्विट त्यांनी केले.

गत नऊ दिवसांपासून पेट्रोल आणि डिझेलच्या किंमतीत सातत्याने वाढ होत आहे. चिदंबरम म्हणाले की, केंद्र सरकार प्रत्येक एक लिटरमागे २५ रूपये जास्त घेत आहे. हा थेट नागरिकांचा पैसा आहे. क्रूड ऑईलच्या किमतीवर सरकार एका लिटरमागे १५ रूपये वाचवत आहे. त्यानंतर ते १० रूपयांचा अतिरिक्त कर लावत असल्याचे ते म्हणाले.

दरम्यान, बुधवारी देशभरातील पेट्रोलच्या किंमती सकाळी ६ वाजता ३० पैशांनी वाढले. त्यामुळे दिल्लीत पेट्रोल प्रति लिटरला ७६.८७ रूपयांपर्यंत पोहोचले. तर मुंबईमध्ये सर्वांत महाग ८४.९९ रूपयांमध्ये ते विकले जात आहे. याचदरम्यान पंतप्रधान नरेंद्र मोदींकडून आज पेट्रोलियम पदार्थांच्या वाढत्या किंमतीच्या पार्श्वभूमीवर बैठक बोलावण्यात आली आहे. लवकरच जनतेला दिलासा देणारा निर्णय घेतला जाऊ शकतो.

First Published on May 23, 2018 12:31 pm

Web Title: it is possible to cut upto rs 25 per litre but the government will not they will cheat the people says p chidambaram
टॅग P Chidambaram
Next Stories
1 स्टरलाइट प्रकल्पाच्या विस्ताराला मद्रास हायकोर्टाची स्थगिती
2 ब्राह्मोसच्या निर्मितीमध्ये रशियाची गरज संपणार? ‘Make in India’च्या दिशेने भक्कम पाऊल
3 ‘लष्कर- ए- तोयबा’चे दहशतवादी वापरतात ट्रेस न करता येणारे मोबाईल
X