पाकिस्तानातील जैश-ए-मोहम्मदच्या दहशतवाद्याचा खात्मा करण्यात जवानांना यश आले आहे. शुक्रवारी जम्मू-काश्मीरमधील बडगाम जिल्ह्यात चकमक झाली होती. याबाबत पोलिसांनी माहिती दिली की, मध्य काश्मीरमधील बडगाम जिल्ह्यातील क्रलपोरा चेकपोरा भागास वेढा देऊन शोध मोहीम राबवली जात होती. दरम्यान या परिसरात लपलेल्या दहशतवाद्यांनी जवानांवर गोळीबार सुरू केला. यानंतर जवानांनी केलेल्या गोळीबारात एका दहशतवाद्याचा खात्मा झाला. घटनास्थळावरून त्याचा मृतदेह देखील ताब्यात घेण्यात आला असून, त्याची ओळख देखील पटली आहे. झारार असे त्याचे नाव असून तो पाकिस्तानी नागरिक असुन त्याचा जैश ए महंमद या दहशतवादी संघटनेशी संबंध आहे. याशिवाय चकमक झालेल्या ठिकाणाहून जवानांनी शस्त्र देखील जप्त केली आहेत. ही मोहीम यशस्वी ठरली असुन यामध्ये कोणत्याही जवानात हानी झाली नसल्याचे सांगण्यात आले आहे.
