जम्मू-काश्मीरच्या शोपियानमध्ये रविवारी पहाटे झालेल्या चकमकीत सुरक्षा दलाच्या जवानांना दोन दहशतवाद्यांचा खात्मा करण्यात यश आलं आहे. दहशतवाद्यांचा खात्मा केल्यानंतर तेथून मोठ्या प्रमाणात शस्त्रास्त्रं आणि दारूगोळा हस्तगत करण्यात आला आहे. सध्या परिसरात नाकेबंदी करुन शोधमोहीम सुरू आहे. जम्मू-काश्मीर पोलिसांनी दिलेल्या माहितीनुसार, रविवारी पहाटे शोपियान जिल्ह्यातील जैनापुरा परिसरात ही चकमक झाली. परिसरात दहशतवादी लपल्याची माहिती मिळाल्यानंतर येथे शोधमोहीम राबवण्यात आली होती. शोधमोहीम सुरू असतानाच दबा धरुन बसलेल्या दहशतवाद्यांनी गोळीबार केला. त्यानंतर दोन्ही बाजुंनी गोळीबाराला सुरूवात झाली आणि दोन दहशतवाद्यांचा खात्मा करण्यात यश आलं.परिसरात अजून दहशतवादी लपल्याच्या शक्यतेमुळे शोधमोहीम सुरू आहे. As search operation was going on, search party was fired upon by the hiding terrorists. The fire was retaliated leading to an encounter. In the ensuing encounter, 2 terrorists were killed&bodies were retrieved from site of encounter. Identities are being ascertained: J&K Police— ANI (@ANI) November 18, 2018 मिळालेल्या प्राथमिक माहितीनुसार, ठार करण्यात आलेल्या दहशतवाद्यांची ओळखही पटली आहे. Shopian encounter UPDATE: The two slain terrorists identified as Nawaz Wagay of Shopian & Yawar Wani of Pulwama. Both were affiliated with terror outfit Al-Badr. #JammuandKashmir— ANI (@ANI) November 18, 2018 दरम्यान, यापूर्वी शनिवारी दुपारी शोपियान जिल्ह्यातच दहशतवाद्यांनी तीन युवकांचं अपहरण करुन एकाची हत्या केली होती आणि अन्य दोघांना सोडून देण्यात आले होते.
