जम्मू काश्मीरच्या शोपियन जिल्ह्यात लष्कराच्या नागीशरन कॅम्पजवळ संशयास्पद हालचाली दिसून आल्या आहेत. 34 राष्ट्रीय रायफल्सच्या लष्करी तळाजवळ संशयास्पद हालचाली दिसल्याची माहिती आहे. Jammu & Kashmir: According to Police, suspicious movement was noticed by the sentry at Nagisharan camp of 34 RR in Shopian, today. An alert sentry fired aerial shots. — ANI (@ANI) February 21, 2019 मिळालेल्या प्राथमिक माहितीनुसार, सर्वप्रथम लष्करी तळाच्या सतर्क असलेल्या पहारेकऱ्याने संशयास्पद हालचाली पाहिल्या. त्यानंतर त्याने तातडीने कारवाई करत हवेत गोळीबार केला आणि याबाबत इतरांना सूचना दिली आहे. जम्मू-काश्मीरच्या पोलिसांनीही या वृत्ताला दुजोरा दिला आहे. लष्करी तळावर दहशतवाद्यांकडून ग्रेनड हल्ला करण्याचा प्रयत्न झाल्याची शक्यता काही माध्यमांनी वर्तवली आहे. दरम्यान, या घटनेनंतर परिसरात लगेचच हाय अलर्ट जारी करण्यात आला असून परिसराची नाकाबंदी करण्यात आली आहे. सध्या मोठ्या प्रमाणात शोधमोहिम हाती घेण्यात आल्याची माहिती आहे.