News Flash

जम्मू- काश्मीरमध्ये पोलिसांच्या ताफ्यावर दहशतवादी हल्ला, सहा जवान शहीद

१०- १५ दहशतवाद्यांनी हा हल्ला केल्याचे वृत्त

जम्मू काश्मीरमधील अनंतनागमध्ये पोलिसांच्या ताफ्यावर दहशतवाद्यांनी हल्ला केला असून या हल्ल्यात सहा जवान शहीद झाले आहेत. या घटनेत २ नागरिकही जखमी झाले आहेत. १०- १५ दहशतवाद्यांनी हा हल्ला केल्याचे वृत्त असून हा हल्ला पूर्वनियोजित होता अशी शक्यता वर्तवण्यात येत आहे.

दक्षिण काश्मीरमधील अनंतनाग येथे पोलिसांच्या पथकावर शुक्रवारी संध्याकाळी दहशतवाद्यांनी हल्ला केला. दहशतवाद्यांनी केलेल्या गोळीबारात पोलीस उपनिरीक्षकासह सहा जवान शहीद झाले. या हल्ल्यात आणखी जवान जखमी झाले असून यातील काही जवानांची प्रकृती गंभीर असल्याचे समजते. शहीद झालेल्या पोलीस उपनिरीक्षकाचे नाव फिरोझ असून ते पुलवामा येथील रहिवासी आहेत.

जम्मू- काश्मीरमध्ये पोलिसांवरील दहशतवादी हल्ल्याची ही गेल्या २४ तासांमधील तिसरी घटना आहे.  दहशतवाद्यांनी गुरुवारी रात्री श्रीनगरमधील हैदरपोरा येथे पोलीस पथकावर अंदाधुंद गोळीबार केला होता. या हल्ल्यात दोन पोलीस गंभीर जखमी झाले होते. त्यांना लष्कराच्या रुग्णालयात दाखल करण्यात आले होते. गंभीर जखमी झालेले कॉन्स्टेबल शहजाद यांचा मृत्यू झाला. तर दक्षिण काश्मीरमधील कुलगाम जिल्ह्यात घराबाहेरच पोलीस दलातील शबीर अहमद यांना गोळ्या घातल्या. जखमी अवस्थेत त्यांना रुग्णालयात दाखल करण्यात आले होते. पण त्यांचे प्राण वाचू शकले नव्हते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 16, 2017 7:59 pm

Web Title: jammu and kashmir terrorist attack on police party at achabal in anantnag district police personnel killed
Next Stories
1 तरुण तेजपाल खटल्याच्या वृत्तांकनास न्यायालयाची बंदी
2 स्विस बँकेतील खातेधारकांना दणका, काळ्या पैशाची माहिती सरकारला मिळणार
3 मध्यप्रदेशच्या चहावाल्याचा चौथ्यांदा राष्ट्रपतीपदासाठी उमेदवारी अर्ज
Just Now!
X