जम्मू काश्मिरमधील शोपिया सेक्टरमधील हाडीपोरा येथे दहशतवाद्यांविरोधात भारतीय लष्कराने मोठी कारवाई केली. शनिवारी सुरक्षा जवान आणि दहशतवाद्यांमध्ये चकमक उडाली. दुपारी सुरू झालेल्या धुमश्चक्रीत जवानांनी तीन दहशतवाद्यांना कंठस्नान घातलं. मागील ४८ तासांत लष्कराने हाती घेतलेल्या मोहिमेत १० दहशतवादी ठार झाले. जम्मू काश्मिरमध्ये लष्कराने दहशतवादविरोधी मोहीम हाती घेण्यात आलेली आहे. शनिवारी दुपारी शोपियातील हाडीपोरात लष्कराने शोधमोहीम हाती घेतली होती. यावेळी दहशतवादी जवानांमध्ये चकमक सुरू झाली. दुपारपासून रात्री उशिरापर्यंत गोळीबार होता. या कारवाईत तीन दहशतवादी ठार झाले. दहशतवादी संघटनेत नव्यानं दाखल झालेल्या तरुणाचं मतपरिवर्तन करून शरण येण्याचं आवाहन जवानांकडून करण्यात आलं. त्याचबरोबर तरुणाच्या वडिलांनीही त्याला शरण येण्यासाठी विनवणी केली. मात्र, त्याच्या सहकाऱ्यांनी त्याला शरण येण्यापासून रोखलं, असं काश्मीर पोलिसांनी म्हटलं आहे. Shopian encounter update | Police & security forces made sincere efforts for surrender of newly recruited terrorist. His parents also made appeals but other terrorists didn’t allow him to surrender: Kashmir Zone Police — ANI (@ANI) April 11, 2021 ठार झालेले तिन्ही दहशतवादी अल बद्री संघटनेशी संबंधित होते अशी माहिती पोलिसांनी दिली. या चकमकीनंतर सुरक्षा जवानांची परिसरात शोधमोहीम सुरूच आहे. Jammu & Kashmir: Search operation underway after the encounter broke out in Hadipora of Shopian last night. Three terrorists affiliated with terror outfit Al-Badre were killed by the security forces. (Visuals deferred by unspecified time) pic.twitter.com/TBcY22kB5z — ANI (@ANI) April 11, 2021 लष्करांकडून सुरू असलेल्या दहशतवादविरोधी मोहिमेत गेल्या ४८ तासांत १० दहशतवादी ठार झाले आहेत. पुलवामात केलेल्या कारवाईत दोन दहशतवादी ठार झाले होते. तर दक्षिण काश्मिरमध्ये तब्बल चार ठिकाणी सुरक्षा जवान आणि दहशतवाद्यांमध्ये चकमकी उडाल्या आहेत.