उरी हल्ल्यानंतर लष्कराने पाकिस्तानच्या हद्दीच घुसून केलेल्या कारवाईनंतर देशात आनंदाचे वातावरण आहे. लष्कराने चार तासात केलेल्या शौर्याची चर्चा आज सोशल मिडियावर देखील पहायला मिळाली. राजकीय वर्तुळात देखील एकमेकांविरोधात टीका करणारे नेते एकाच सुरात लष्करी कारवाईचे कौतुक करताना दिसले. देशभरात असणारे उत्सवाचे वातावर लष्करी छावण्यामध्ये देखील दिसून आले. छत्तीसगडमधील जगदलपूर छावणीतील जवानांमध्ये असाच उत्साह पहायला मिळाला.
भारत आणि पाकिस्तान यांच्यातील तणावामुळे सुट्टी रद्द झाल्याची कोणतीही चिंता या जवानांच्या चेहऱ्यावर दिसत नाही. सर्जिकल स्ट्राईक कारवाईनंतर ‘सुनो गौर से दुनिया वालों..बुरी नजर ना हम पे डालो…’ या गाण्याच्या तालावर लष्करी कारवाईचा आनंद जवानांनी साजरा केला.