News Flash

झारखंडनेही आता सीबीआयला रोखलं; राज्यात चौकशीसाठी सामान्य संमती केली रद्द

सीबीआयला रोखणारं झारखंड हे पाचवं बिगरभाजपा सरकार असलेलं राज्य ठरलं आहे.

(संग्रहित छायाचित्र)

झारखंड राज्यानेही आता सीबीआयला राज्यात चौकशीसाठी निर्बंध आणले आहेत. सीबीआयला चौकशीसाठीची सामान्य संमती झारखंड सरकारकडून रद्द करण्यात आली आहे. त्यामुळे यापुढे झारखंडमधील एखाद्या प्रकरणाची जर सीबीआयला चौकशी करायची असेल तर त्यासाठी राज्य सरकारची त्यांना परवानगी घ्यावी लागणार आहे.

पश्चिम बंगाल, राजस्थान, महाराष्ट्र, केरळ नंतर आता झारखंडनेही सीबीआयला राज्यात चौकशीसाठीची सामान्य संमती रद्द केली आहे. सीबीआयला रोखणारं झारखंड हे पाचवं बिगरभाजपा सरकार असलेलं राज्य ठरलं आहे.

सीबीआयला हाताशी धरुन केंद्र सरकारकडून राज्यांमधील प्रकरणांवरुन तिथल्या सरकारांना कोंडीत पकडण्याचे काम केले जात असल्याचा आरोप सीबीआयवर निर्बंध आणणाऱ्या या राज्यांनी केला आहे. केंद्रातील भाजपा सरकारकडून सीबीआयचा गैरवापर केला जात असल्याचंही या राज्यांचं म्हणणं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 5, 2020 9:17 pm

Web Title: jharkhand government revokes general consent to the cbi to carry out any investigation in the state aau 85
Next Stories
1 करोनाला रोखण्यात अपयशी ठरल्यानं ट्रम्पचा पराभव, मात्र मोदींनी वेळेतच देशाला वाचवलं !
2 …तर १०० वर्षात डोनाल्ड ट्रम्प ठरतील राष्ट्राध्यक्षपदाची फेर निवडणूक न जिंकणारे पाचवे अध्यक्ष
3 ही माझी शेवटची निवडणूक; नितीश कुमारांनी काढलं भावनिक अस्त्र
Just Now!
X