पंतप्रधान नरेंद्र मोदी यांचं नाव माहित नसलेली क्वचितच कोणी व्यक्ती सापडेल. झारखंडमधील भाजपाचे आरोग्य मंत्री रामचंद्र चंद्रवंशी अशाच एका अजब स्थितीत फसल्याचे पहायला मिळाले. माध्यमांशी संवाद साधताना ते चक्क पंतप्रधान नरेंद्र मोदी यांचेच नाव विसरले. पंतप्रधान मोदी यांच्या वाढदिवसानिमित्त ते शुभेच्छा देत होते, परंतु त्याचवेळी ते त्यांचं नावच विसरले. अनेक प्रयत्न करूनही रामचंद्र चंद्रवंशी पंतप्रधानांचे नावच आठवले नाही. त्यानंतर त्यांनी त्या ठिकाणाहून काढता पाय घेतला. याचा व्हिडीओ मोठ्या प्रमाणात सोशल मीडियावर व्हायरल होत आहे. चंद्रवंशी हे आपल्या रांची येथील निवासस्थानाहून निघाले असता माध्यमांनी त्यांच्याकडून पंतप्रधानांच्या वाढदिवसानिमित्त प्रतिक्रिया मागितली. यानंतर चंद्रवंशी यांनी पंतप्रधानांना शुभेच्छा तर दिल्या परंतु त्यांना त्यांचे नावच आठवले नाही. ये हैं झारखंड के मंत्री जी,श्री रामचन्द्र चन्द्रवंशी जी । उम्र 78 यादाश्त हो जाती है कमजोर , भूल गए प्रधानमंत्री का नाम और बरहाल केंद्र की स्वास्थ्य योजनाओ के तहत खुद नाम कमाते है । विपक्ष भी ले रहा है इन्हें आड़े हाँथ। pic.twitter.com/ZeXRuuncs6 — Nitish Kumar (@Nitish7Mishra) September 17, 2019 यापूर्वी गढवाम येथे एका उद्घाटन कार्यक्रमासाठी गेले होते. त्यावेळी त्या ठिकाणी असेलेल्या कोनशिलेवर आपले नाव नसल्याचे पाहून नाराज होत ते उद्घाटन न करताच परतले होते. रामचंद्र चंद्रवंशी हे आरजेडीला रामराम ठोकत भाजपात प्रवेश केला होता. झारखंडमधील बिश्रामपूर येथून ते निवडून आले आहेत. ते यापूर्वीही वादाच्या भोवऱ्यात सापडले होते. 2015 मध्ये त्यांनी एका सभेदरम्यान आरजेडीचे जिल्हा अध्यक्ष शंभूनाथ चंद्रवंशी यांना कानशिलात लगावली होती. त्यानंतर त्याचाही व्हिडीओ व्हायरल झाला होता.
