भारत-अमेरिका संबंधांसाठी आग्रही असलेले अमेरिकन सिनेटमधील ज्येष्ठ सदस्य जॉन केरी यांनी शनिवारी अमेरिकेच्या परराष्ट्रमंत्रीपदाचा कार्यभार स्वीकारला.अमेरिकन सर्वोच्च न्यायालयाच्या न्या. एलेना कगान यांनी ६९ वर्षीय केरी यांना पद आणि गोपनीयतेची शपथ दिली. गेली तीन दशके सार्वजनिक जीवनात आघाडीवर असलेले केरी यांना भारत आणि पाकिस्तानात शांतता प्रस्थापित व्हावी, असे मनापासून वाटते.
