27 September 2020

News Flash

भाजपा आमदारांचा उशा, चादरी घेऊन कर्नाटक विधानसभेतच मुक्काम

सकाळी भाजपाचे आमदार मॉर्निंग वॉकलाही गेले होते

गुरुवारी कर्नाटकमध्ये मुख्यमंत्री कुमारस्वामी यांनी विश्वासदर्शक ठराव मांडला. मात्र यावरुन विधानसभेत गोंधळ झाल्याने कामकाज शुक्रवारपर्यंत तहकूब करण्यात आले. गुरुवारी काँग्रेस आणि जेडीएसचे १५ बंडखोर आमदार अनुपस्थित होते. दरम्यान भाजपा आमदारांनी विधानसभेतच ठिय्या दिला होता. उशा, चादरी घेऊन भाजपा आमदारांनी कर्नाटक विधानसभेतच मुक्काम केला. आज सकाळी काही आमदार मॉर्निंग वॉकलाही गेले होते.

दरम्यान कर्नाटकचे मुख्यमंत्री एच. डी. कुमारस्वामी यांना दुपारी दीड वाजेपर्यंत बहुमत सिद्ध करण्याची मुदत राज्यपालांनी दिली आहे. गुरुवारी संध्याकाळनंतर कर्नाटक विधानसभेत भाजपाचे आमदार चादरी आणि उशा घेऊन दाखल झाले. तिथेच त्यांनी जेवणही केले आणि मुक्कामही केला. भाजपाचे आमदार चादरी आणि उशा घेऊन विधानसभेत पोहचले होते. आता आज कर्नाटक विधानसभेत काय महाभारत रंगणार हे पाहणे महत्त्वाचे ठरणार आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 19, 2019 9:16 am

Web Title: karnataka bjp mlas stayed overnight dharna protest vidhansabha against cm kumarswamy scj 81
Next Stories
1 कर्नाटकचं महाभारत: दुपारी दीड वाजेपर्यंत बहुमत सिद्ध करा-राज्यपाल
2 कर्नाटकचा निकाल लांबणीवर
3 मुझफ्फरनगर दंगलीच्या ४१ पैकी ४० प्रकरणांत आरोपी मुक्त
Just Now!
X