News Flash

कथुआ सामूहिक बलात्कार प्रकरण; १० जूनला आरोपींचा फैसला

सुप्रीम कोर्टाने या खटल्याची सुनावणी जम्मू- काश्मीरबाहेर घेण्याचे आदेश दिले होते. यानुसार पठाणकोटमधील जिल्हा आणि सत्र न्यायालयात या खटल्याची सुनावणी सुरु होती.

प्रतिकात्मक छायाचित्र

जम्मू- काश्मीरमधील कथुआ सामूहिक बलात्कारप्रकरणी १० जून रोजी न्यायालय निकाल देण्याची शक्यता आहे. पठाणकोटमधील न्यायालयात या खटल्याची सुनावणी सुरू असून विशेष सरकारी वकील जे के चोप्रा यांनी ही माहिती दिली.

कथुआ येथील आठ वर्षांच्या मुलीचे घरातून १० जानेवारी २०१८ रोजी अपहरण झाले होते. तिला आठ दिवस एका मठात ओलीस ठेवण्यात आले. तिथे तिच्यावर सामूहिक बलात्कार झाला आणि अघोरी धार्मिक विधीही केले गेले. त्यानंतर तिची निर्घृण हत्या करण्यात आली. आठवडाभरानंतर तिचा मृतदेह याच जंगलात आढळला होता. या सामूहिक बलात्कार प्रकरणाने देशाला हादरवून सोडले होते.

सुप्रीम कोर्टाने या खटल्याची सुनावणी जम्मू- काश्मीरबाहेर घेण्याचे आदेश दिले होते. यानुसार पठाणकोटमधील जिल्हा आणि सत्र न्यायालयात या खटल्याची सुनावणी सुरु होती. जून २०१८ मध्ये या खटल्याच्या नियमित सुनावणीला सुरुवात झाली. ही सुनावणी इन कॅमेरा झाली होती. याप्रकरणी पोलिसांनी आठ आरोपींना अटक केली होती. यात एका अल्पवयीन मुलाचा समावेश होता. आठ पैकी सात आरोपींविरोधात हत्या, बलात्कार या कलमांखाली आरोप निश्चित करण्यात आले असून अल्पवयीन आरोपीच्या वयाचा वाद सध्या जम्मू- काश्मीर हायकोर्टात प्रलंबित आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 4, 2019 5:23 pm

Web Title: kathua gang rape and murder case pathankot court may give verdict on 10 june
Next Stories
1 तुम्हाला माहितीये का? ‘या’ देशांमध्ये मिळते मोफत सार्वजनिक वाहतूक सुविधा
2 मुख्यमंत्री केजरीवाल, उपमुख्यमंत्री सिसोदिया विरोधात मानहानीचा खटला
3 काश्मीरात सुरक्षा रक्षकांची नवी हिटलिस्ट; १० खतरनाक दहशतवादी निशाण्यावर
Just Now!
X