दिल्लीचे मुख्यमंत्री आणि आम आदमी पक्षाचे निमंत्रक अरविंद केजरीवाल यांनी शुक्रवारी राजधानीमध्ये देशातील सर्वांत भ्रष्ट राजकारण्यांची यादी जाहीर केले. यादीमध्ये नरेंद्र मोदी, राहुल गांधी, कपिल सिब्बल, मुलायम सिंग यादव, पी. चिदंबरम, मायावती, शरद पवार, सुरेश कलमाडी यांच्यासह देशातील अनेक नेत्यांच्या नावांचा समावेश आहे. हे सर्व भ्रष्ट असल्याचा आरोप केजरीवाल यांनी केला आहे. लोकसभा निवडणुकीत या सर्व राजकारण्यांना आम आदमी पक्ष पराभूत करेल, असेही आश्वासन केजरीवाल यांनी दिले.जनलोकपाल विधेयक मंजूर करण्यासाठी दिल्ली विधानसभेचे विशेष अधिवेशन पुढील महिन्यात दिल्लीतील इंदिरा गांधी मैदानामध्ये भरविण्यात येईल, असेही केजरीवाल म्हणाले.
