नैरोबीतील मॉलवर हल्ला करण्यासाठी दहशतवाद्यांनी वापरलेले वाहन तपास अधिकाऱ्यांनी शोधून काढले असल्याचा दावा केनिया सरकारमधील उच्चपदस्थ अधिकाऱ्यांनी केला आहे. मॉलवरील हल्ल्यात ६७ जण ठार झाले होते. केनियातील मॉलवर गेल्या शनिवारी दहशतवादी हल्ला करण्यात आला त्या वेळी एका गर्भवती महिलेला बचावासाठी पळून जाण्यास सांगणाऱ्या व्यक्तीची माहितीही मिळविण्यात आली असल्याचे सूत्रांचे म्हणणे आहे.दहशतवाद्यांनी वापरलेल्या गाडीचा मालक कोण आहे, त्याचा शोध घेण्याचे काम सुरू आहे. दहशतवाद्यांनी आणखी काही वाहनांचा वापर केला होता का, त्याबाबतची चौकशीही सुरू असल्याचे सूत्रांनी सांगितले.
