कोलकाता येथील प्रेसिडन्सी विद्यापीठात आज (सोमवार) सकाळी आग लागल्याची घटना समोर आली आहे. प्राथमिक माहितीनुसार विद्यापीठाच्या कॅन्टिनमध्ये ही आग लागली. आग विझविण्यासाठी ६ अग्निशमन दलाच्या गाड्या घटनास्थळी रवाना झाल्याचे एएनआय या वृत्तसंस्थेने सांगितले आहे. सध्या आग निंयत्रणात आली असून आग कशामुळे लागली याची अद्याप माहिती समजू शकलेली नाही. जीवितहानीबाबतही अद्याप काही माहिती समजू शकलेली नाही.