News Flash

कुलभूषण जाधव प्रकरण: माजी आयएसआय अधिकाऱ्यानेच केली पाकची पोलखोल

जाधव यांना इराणमधून अटक

भारतीय नौदलाचे माजी अधिकारी कुलभूषण जाधव. (संग्रहित)

भारतीय नौदलाचे माजी अधिकारी कुलभूषण जाधव प्रकरणात पाकिस्तानचा खोटारडेपणा पुन्हा उघड झाला आहे. पाकिस्तानी लष्कर आणि आयएसआयच्या माजी अधिकाऱ्यानेच ना’पाक’ डाव उघड केला आहे. जाधव यांना पाकमधून अटक करण्यात आल्याचा दावा अधिकाऱ्यांनी केला होता. पण जाधव यांना पाकिस्तानातून नव्हे, तर इराणमधून अटक केली होती, असे या अधिकाऱ्याने सांगितले आहे. त्यामुळे जाधव यांच्या अटकेसंदर्भात भारताने केलेला दावा खरा ठरला असून पाकचा खोटारडेपणा उघड झाला आहे, असे बोलले जात आहे.

जाधव यांना पाकिस्तानातील बलुचिस्तान प्रांतातून गेल्या वर्षी ३ मार्च रोजी अटक करण्यात आल्याचा दावा तेथील अधिकाऱ्यांनी केला होता. मात्र, त्यांना इराणमधून अटक केल्याचा दावा भारताने केला होता. पाकिस्तानी लष्करातील माजी अधिकारी अमजद शोएब यांनी यावर शिक्कामोर्तब केले आहे. इराणमधील चाबहारमधून जाधव यांना अटक करण्यात आली होती, असे त्यांनी सांगितले आहे.

दरम्यान, हेरगिरीच्या आरोपाखाली पाकिस्तानी लष्कराच्या न्यायालयाने जाधव यांना फाशीची शिक्षा सुनावली होती. या निर्णयाविरोधात भारताने हेग येथील आंतरराष्ट्रीय न्यायालयात धाव घेतली होती. पाकच्या लष्करी न्यायालयाने खटल्याच्या सुनावणीदरम्यान, जाधव यांना मूलभूत अधिकारही दिले नाही. याशिवाय जाधव यांना राजनैतिक मदतही देण्यात आली नाही. पाकिस्तानातील भारतीय दूतावासामार्फत संपर्क साधण्याची भारताने तब्बल १६ वेळा विनंती केली होती. पण पाकिस्तानने तीही फेटाळून लावली. भारताच्या याचिकेवर आंतरराष्ट्रीय न्यायालयात सुनावणी झाली. त्यावेळी जाधव हे हेर असल्याचे अद्याप सिद्ध झालेले नाही. त्यामुळे अंतिम निकाल येईपर्यंत त्यांना फाशी देता येणार नाही, असे आदेश न्यायालयाने दिले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 25, 2017 6:19 pm

Web Title: kulbhushan jadhav case former pakistan isi official claims jadhav was captured from iran
Next Stories
1 १९ रुपयांत बोला अनलिमिटेड; जिओला टक्कर देण्यासाठी व्होडाफोनची नवी ‘ऑफर’
2 दक्षिण चीन समुद्रात अमेरिकेच्या युद्धनौकेची टेहळणी, चीनचा संताप
3 भारताच्या कारवाईमुळे पाकिस्तान घाबरले, लष्करी चौक्या मागे हलविल्या…
Just Now!
X