News Flash

१२ विरोधी पक्षांच्या नेत्यांचे पंतप्रधान मोदी यांना पत्र

आवाहन करणारे पत्र १२ विरोधी पक्षांच्या नेत्यांनी पंतप्रधान नरेंद्र मोदी यांना लिहिले आहे.

शरद पवार, उद्धव ठाकरे यांचाही समावेश

करोना प्रतिबंधासाठी मोफत सामूहिक लसीकरण सुरू करावे, तसेच सेंट्रल व्हिस्टा सुधार प्रकल्प स्थगित करून तो पैसा महासाथीविरुद्धच्या लढ्यात वापरावा, असे आवाहन करणारे पत्र १२ विरोधी पक्षांच्या नेत्यांनी पंतप्रधान नरेंद्र मोदी यांना लिहिले आहे.

गरजूंना अन्नधान्य पुरवावे, तसेच बेरोजगारांना दरमहा ६ हजार रुपये द्यावे, अशीही मागणी काही मुख्यमंत्र्यांसह विरोधी पक्ष नेत्यांनी पंतप्रधानांना लिहिलेल्या संयुक्त पत्रात केली आहे.

तीन केंद्रीय शेतीविषयक कायदे रद्द केल्यास लाखो अन्नदाते महासाथीचे बळी होण्यापासून वाचतील असे सांगून, हे कायदे रद्द करण्याची मागणीही या नेत्यांनी केली आहे.

या पत्रावर स्वाक्षऱ्या करणाऱ्यांमध्ये काँग्रेसच्या अध्यक्ष सोनिया गांधी, माजी पंतप्रधान व जद (से) चे नेते एच.डी. देवेगौडा व राष्ट्रवादी काँग्रेसचे प्रमुख शरद पवार यांच्यासह उद्धव ठाकरे (शिवसेना), ममता बॅनर्जी (तृणमूल काँग्रेस), एम.के. स्टालिन (द्रमुक) व हेमंत सोरेन (जेएमएम) या मुख्यमंत्र्यांचा समावेश आहे.

माजी मुख्यमंत्री फारुक अब्दुल्ला (एनसी) व अखिलेश यादव (सप), तेजस्वी यादव (राजद), डी. राजा (भाकप) व सीताराम येचुरी (माकप) या नेत्यांच्याही पत्रावर स्वाक्षऱ्या आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 13, 2021 12:10 am

Web Title: leader of the oppositions letter to prime minister modi akp 94
Next Stories
1 ‘यज्ञ’ करून सर्वांनी आहुती द्यावी’
2 भारताने आधीच निर्बंध शिथिल केल्यामुळे दुसरी लाट – फौची
3 देशभरात २४ तासांत ४२०५ जणांचा करोनाने मृत्यू
Just Now!
X