झारखंड व जम्मू-काश्मीरमध्ये चौथ्या टप्प्यातील मतदानास रविवारी सकाळी सुरूवात झाली. जम्मू-काश्मीरमध्ये १८ जागांसाठी मतदान होत असून १८२ उमेदवारांचे भविष्य मतपेटीत बंद होईल. १८९० मतदान केंद्रावर १४ लाखांहून अधिक मतदार मतदानाचा हक्क बजावतील. झारखंडमध्ये १५ जागांसाठी मतदान होत असून ५ हजार ४८२ मतदान केंद्रावर एकूण ४३ लाखांपेक्षा अधिक मतदार मतदान करतील.दहशतवादी आणि नक्षलवादी कारवायांच्या पार्श्वभूमीवर जम्मू-काश्मीर आणि झारखंडमध्ये कडक सुरक्षा व्यवस्था तैनात करण्यात आली आहे. यंदा प्रथमच येथील मतदारांमध्ये उत्साह पहायला मिळत आहे. सकाळी नऊ वाजेपर्यंत जम्मू-काश्मीरमध्ये ४ टक्के तर झारखंडमध्ये १३.५ टक्के मतदान झाले.
