देशाची प्रतिष्ठित विमान सेवा कंपनी एअर इंडियाच्या दिल्लीहून लंडनला जाणाऱ्या विमानात एका प्रवाशाच्या जेवणात चक्क पाल मिळाल्याची घटना समोर आली आहे. मिळालेल्या माहितीनुसार गुरुवारी दिल्लीहून लंडनला जाणाऱ्या एआई-१११ या विमानातील जेवणात पाल निघाली. प्लास्टिकच्या पिशवीत बर्गर तसेच, सलाड प्रवाशांना देण्यात आला होता. त्यातच पाल आढळल्याचे कळते. त्यानंतर प्रवाशांनी विमानातच गोंधळ घातला. सदर प्रवाशाने एअर इंडियाच्या विरूद्ध तक्रार दाखल केली आहे.
