News Flash

सर्वसामान्यांना पुन्हा झटका, चार दिवसांत दुसऱ्यांदा घरगुती गॅसच्या किंमती २५ रुपयांनी वाढल्या

पेट्रोल-डिझेलच्या दरांनी शंभरी गाठलेली असतानाच घरगुती गॅसच्या दरांमध्येही वाढ

मार्च महिन्याच्या पहिल्याच दिवशी सर्वसामान्यांना झटका बसला आहे, कारण एलपीजी गॅस सिलेंडरच्या किंमतीत पुन्हा वाढ झाली आहे. तेल कंपन्यांनी घरगुती एलपीजी गॅस सिलेंडरच्या किंमतीत २५ रुपयांची वाढ केली आहे. चार दिवसांपूर्वीही एलपीजी गॅसच्या किंमतीत २५ रुपयांची वाढ झाली होती. देशासह राज्यात पेट्रोल-डिझेलच्या दराने शंभरी गाठल्याने आधीच सर्वसामान्यांना फटका बसला आहे. त्यानंतर आता घरगुती गॅसच्या किंमतीतही भरमसाठ वाढ झाली आहे.

२५ रुपयांची वाढ झाल्याने आता १४.२ किलो घरगुती गॅस सिलेंडरसाठी दिल्लीत ८१९ रुपये मोजावे लागणार आहेत. नवीन दर आजपासून लागू होत आहेत. याआधी २५ फेब्रुवारी रोजी किंमतीत २५ रुपयांनी वाढ झाली होती. तसेच, ४ फेब्रुवारीला २५ रुपयांची वाढ झाली होती. तर १४ फेब्रुवारीला ५० रुपयांनी दर वाढले होते.

दर महिन्याच्या पहिल्या तारखेला एलपीजीचे दर बदलतात. जानेवारी महिन्यात तेल मार्केटिंग कंपन्यांनी एलपीजी गॅसच्या दरात वाढ केली नव्हती. पण फेब्रुवारीमध्येच एलपीजी गॅसच्या किंमती जवळपास १०० रुपयांनी वाढल्या. तर, डिसेंबर महिन्यात वाढलेले दर पकडून साधारण २०० रुपयांनी एलपीडी गॅस महाग झालाय. पेट्रोल-डिझेलच्या दरांनी शंभरी गाठलेली असतानाच एलपीजीच्या दरांमध्येही वाढ झाल्याने सर्वसामान्यांच्या खिशाला पुन्हा कात्री लागली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 1, 2021 10:03 am

Web Title: lpg cylinder prices increased by rs 25 again check new price sas 89
Next Stories
1 पुन्हा एकदा चीन अमेरिका संघर्ष?; अमेरिकेच्या एका कृतीमुळे चीनने डागली शेकडो क्षेपणास्त्रं
2 ‘कुठे चूक झाली अल्लाहला विचारेन’; २३ वर्षीय तरुणीची साबरमती नदीत उडी मारुन आत्महत्या; व्हिडीओमुळे खळबळ
3 …म्हणून मोदींनी सकाळी सात वाजताच घेतली लस; जाणून घ्या या लसीकरणाचे ‘इलेक्शन कनेक्शन’
Just Now!
X