बलात्कार प्रकरणातील पीडित अल्पवयीन मुलीने खटल्याच्या सुनावणीदरम्यान साक्ष फिरवल्याने मध्यप्रदेश हायकोर्टाने पीडितेला मिळालेल्या भरपाईची वसूली करण्याचे आदेश दिले आहेत. मध्य प्रदेशमधील बलात्कार प्रकरणातील आरोपीच्या जामिनावर मध्य प्रदेश हायकोर्टात सुनावणी झाली. खटल्याच्या सुनावणीदरम्यान पीडित मुलीने साक्ष फिरवली होती. या आधारे हायकोर्टाने आरोपीला जामीन मंजूर केला. निर्णय देताना न्या. एस के पालो भरपाई वसूलीचे आदेश दिले. 'जर पीडित तरुणीला अँट्रॉसिटी अॅक्ट अंतर्गत भरपाई मिळाली असेल तर तर त्याची वसूली झाली पाहिजे. सागरच्या जिल्हाधिकाऱ्यांनी ही वसूली करावी, असे हायकोर्टाने स्पष्ट केले. मध्य प्रदेशमधील जितेंद्र पटेल या आरोपीने हायकोर्टात जामिनासाठी अर्ज केला होता. पटेलवर एका अल्पवयीन मुलीने बलात्काराचा आरोप केला होता.
