04 August 2020

News Flash

Viral Video : नदीच्या मधोमध जाऊन सेल्फी काढत होत्या दोघी मैत्रिणी, अचानक वाढली पाण्याची पातळी आणि…

दोघी मैत्रिणी पिकनीकदरम्यान सेल्फी काढण्यासाठी नदीच्या मधोमध असलेल्या मोठ्या खडकावर गेल्या...

करोना व्हायरसचा संसर्ग रोखण्यासाठी सरकारकडून वारंवार सोशल डिस्टन्सिंगचं आवाहन केलं जात आहे. पण तरीही अनेकजण हा नियम सर्रास पायदळी तुडवतात. याचं ताजं उदाहरण मध्य प्रदेशच्या छिंदवाडा जिल्ह्यात पाहायला मिळालं.

करोना संकटातही काही तरुणी छिंदवाडातील बेलखेडी गावाजवळ असलेल्या पेंच नदीच्या किनारी पिकनीकसाठी गेल्या होत्या. पण अचानक नदीच्या पाण्याच्या पातळीत वाढ झाल्याने त्यांच्यातील दोघी मैत्रिणी नदीत अडकल्या.

मिळालेल्या माहितीनुसार, जवळपास १० ते १२ मित्र-मैत्रिणी पेंच नदीच्या किनारी गुरूवारी पिकनीकसाठी गेले होते. सेल्फी घेण्यासाठी त्यातल्या दोघी मैत्रिणी नदीच्या मधोमध असलेल्या एका मोठ्या खडकावर गेल्या. पण बघता बघता अचानक नदीच्या पाण्याच्या पातळीत वाढ झाली आणि त्या दोघी तिथेच अडकल्या.

दोघी मैत्रिणींना अडकल्याचं पाहून त्यांच्यासोबत आलेल्या इतर मैत्रिणींनी पोलीस प्रशासनाला याबाबत माहिती दिली. सूचना मिळताच पोलिसांनी तातडीने पावलं उचलली आणि गावकऱ्यांच्या मदतीने रेस्क्यू ऑपरेशन करत दोघींचीही सुखरूप सुटका करण्यात आली.


अन्य मित्र-मैत्रिणींनी सूचना दिल्यानंतर संध्याकाळी उशीरा गावकऱ्यांच्या मदतीने पोलिसांनी रेस्क्यू ऑपरेशन करत दोघींना नदीच्या प्रवाहातून सुखरूप बाहेर काढलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 24, 2020 3:58 pm

Web Title: madhya pradesh two girls trapped in river while taking selfie rescued by police sas 89
Next Stories
1 राज्यपाल विरुद्ध गेहलोत; काँग्रेस आमदारांची राजभवनात निर्दर्शनं
2 “…तर मी पायलट यांचे स्वागत करेन”; अशोक गहलोत यांची ‘ऑफर’
3 CAA चा फायदा घेण्यासाठी मुस्लीम, रोहिंग्या निर्वासित स्वीकारत आहेत ख्रिश्चन धर्म; यंत्रणांकडून सरकारला अलर्ट
Just Now!
X