01 March 2021

News Flash

मॅगीचे पितळ उघडे पाडण्याच्या श्रेयावरून वाद

मॅगीला बाजारपेठेतून कुणी हुसकावले याचे श्रेय घेण्यावरून आता वादविवाद रंगले असून आपणच मॅगी विरोधात प्रथम तक्रार केली, असे १९९८ च्या तुकडीचे अन्न निरीक्षक संजय सिंह

| June 7, 2015 04:48 am

मॅगीला बाजारपेठेतून कुणी हुसकावले याचे श्रेय घेण्यावरून आता वादविवाद रंगले असून आपणच मॅगी विरोधात प्रथम तक्रार केली, असे १९९८ च्या तुकडीचे अन्न निरीक्षक संजय सिंह यांनी म्हटले आहे.
सिंह यांनी म्हटले आहे, की आपण परिश्रम केले, पण त्याचे श्रेय वरिष्ठ अधिकारी व्ही.के.पांडे यांनी घेतले. आपण नेहमीप्रमाणे अन्न पदार्थाची नैमित्तिक तपासणी करीत होतो. मॅगीची तपासणी करण्याचा हेतू नव्हता, पण त्यात मॅगीतील गैरप्रकार उघड झाला.
पांडे हे बाराबंकी येथे अन्न सुरक्षा विभागात कामाला आहेत. त्यांनी या कामात सिंह यांचे योगदान मान्य केले आहे. प्रशासकीय चौकटीत प्रत्येकाला काम दिले जाते. संजय यांना नमुने गोळा करून प्रयोगशाळेत पाठवायला सांगितले होते, पण नमुन्यात दोष आढळल्यानंतर कारवाई आपण केली आहे, त्यामुळे मॅगी प्रकरणाचे श्रेय आपल्यालाच मिळाले पाहिजे, असा दावा व्ही.के.पांडे यांनी केला आहे.
संजय सिंह यांच्या म्हणण्याप्रमाणे ते मॅगी प्रकरणाचा पाठपुरावा वर्षभरापासून करीत आहेत. सिंह यांच्या मते त्यांनी मॅगीचे नमुने १० मार्च २०१४ रोजी उचलले व गोरखपूर येथील प्रयोगशाळेत तपासणीसाठी पाठवले. त्यात शिसे व एमएसजी म्हणजे अजिनोमोटोचे जास्त प्रमाण दिसून आले.
नेस्लेसारख्या कंपनीला अंगावर घेताना आपण पुरेपूर खात्रीने हे सगळे केले, त्यासाठी पुन्हा नमुने गोळा केले व पुन्हा तपासणीला पाठवले. परंतु त्याचेही निकाल तेच आले, या नूडल्समध्ये एमएसजी व शिशाचे प्रमाण सुरक्षेच्या आठपट जास्त होते. गडबड आहे हे लक्षात येताच नेस्लेने आमच्या चाचण्यांना आव्हान दिले व कोलकाता येथील केंद्रीय अन्न प्रयोगशाळेत चाचण्या करण्याची मागणी केली, तेथेही शिशाचे प्रमाण जास्त आढळून आले, असा दावा त्यांनी केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 7, 2015 4:48 am

Web Title: maggi row food officials blew lid off maggi noodles
टॅग : Maggi,Maggi Noodles
Next Stories
1 नजीब जंग यांच्याशी संघर्षांत केजरीवालांचा अपरिपक्वपणा
2 अभिनेत्री आरती अगरवालचे शस्त्रक्रियेनंतर निधन
3 अच्युत सामंत यांना बाहरीनचा नागरी पुरस्कार
Just Now!
X