नौदलाच्या सतर्कतेमुळे गोव्याच्या विमानतळावर मोठा विमान अपघात टळला आहे. स्पाइसजेटचे प्रवासी विमान यातून बचावले आहे. नौदल बेस हंसाच्या आखत्यारितील गोव्याच्या दाबोलिम आंतरराष्ट्रीय विमानतळावर ही दुर्घटना होता होता टळली. मंगळवारी सकाळी हा प्रकार घडला. नौदलाच्या प्रवक्त्यांनी ही माहिती दिली आहे. The Runway Controller immediately alerted the ATC tower where the Duty Air Traffic Controller, Lt Cdr Harmeet Kaur informed the incoming aircraft to abort the landing. The flight landed safely at 0805 hrs under assistance of emergency and safety services. — SpokespersonNavy (@indiannavy) December 17, 2019 टाइम्स नाऊच्या वृत्तानुसार, या विमानतळावर सुरतहून येणारे स्पाइसजेटचे SG 3568 हे प्रवासी विमान उतरणार होते. त्याक्षणी या विमानाचे नोझ लँडिंग गिअर पूर्णपणे उघडले नसल्याचे नियंत्रण कक्षाच्या लक्षात आले. त्यानतंर रनवे नियंत्रकाने तत्काळ एअर नियंत्रकाला विमान न उतरवण्याची सुचना दिली. त्यानंतर पायलट्सच्या टीमने या विमानाच्या सुरक्षित लँडिंगसाठी तयारी केली. दोन वेळेला विमान उतरवण्याचा प्रयत्न करण्यात आला मात्र, ते शक्य होत नव्हते. अखेर तिसऱ्या वेळेला ते सुरक्षितरित्या धावपट्टीवर उतरवण्यास यश आले.
