20 January 2021

News Flash

…अन्यथा काल रात्री पँगाँग भागात भारतीय-चिनी सैन्यामध्ये झाला असता मोठा संघर्ष

चीनच्या उलटया बोंबा

डेपसांग, चुमूरमध्ये भारताने आपल्या विशेष तुकडया तैनात करुन एक इंच जमीनही देणार नाही असा स्पष्ट संकेत चीनच्या पीएलएला दिला आहे.

पूर्व लडाखमधील पँगाँग भागात काल रात्री पुन्हा एकदा भारतीय आणि चिनी सैन्यामध्ये संघर्षाची स्थिती निर्माण झाली होती. भारतीय सैनिकांनी नियंत्रण रेषा पार करुन इशारा देण्यासाठी हवेत गोळीबार केला, असा आरोप चीनच्या पीपल्स लिबरेशन आर्मीने केला आहे. पण प्रत्यक्षात चीन कांगावा करत असून चिनी सैनिकांनी भारतीय तुकडीवर गोळीबार केला. भारताच्या जवानांकडून कोणत्याही प्रकारचा गोळीबार करण्यात आला नसल्याचं स्पष्टीकरण लष्कराकडून देण्यात आलं आहे.

भारतीय ठिकाणं ताब्यात घेण्याचा प्रयत्न करणाऱ्या चिनी सैन्याला रोखण्यासाठी भारतीय लष्कराला हवेत गोळीबार करावा लागला. दोन्ही देशांच्या ब्रिगेड कमांडर्समध्ये चर्चेच्या फेऱ्या सुरु असताना गोळीबाराची ही ताजी घटना घडली आहे. पँगाँग सरोवराच्या दक्षिण भागात शेपाओ माऊँटन टॉप्सच्या भागात गोळीबाराची ही घटना घडली. भारतीय सैन्याकडून गोळीबार करण्यात आला असा दावा चीनकडून करण्यात आला असला तरी भारतानं मात्र चीनच्या या दाव्याचं खंडन केलं आहे.

पँगाँग सरोवराच्या दक्षिण किनाऱ्याजवळ रणनितीक दृष्टीने महत्त्वाच्या असलेल्या उंच टेकड्यांवर भारतीय सैन्य तैनात आहे. चीनला हीच गोष्ट खुपत आहे. त्यामुळेच त्यांच्याकडून चिथावणी देण्याचा प्रयत्न झाला. दोन्ही बाजूंनी वरिष्ठ पातळीवरुन तात्काळ हस्तक्षेप केल्यामुळे शेपाओ डोंगराजवळ झालेली गोळीबाराची घटना मोठया हिंसक संघर्षामध्ये बदलली नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 8, 2020 11:11 am

Web Title: major incident averted as chinese opens fire on indian troops in ladakh india fires back dmp 82
Next Stories
1 ‘कंगनावर देशद्रोहाचा खटला दाखल करा’; शिवसेना आयटी सेलची मागणी
2 मोदी सरकारचा हा एक लज्जास्पद प्रयत्न; राहुल गांधी यांचा मोदींवर हल्ला
3 करोना व्हायसरचा फैलाव केल्याच्या आरोपांवर चीनच्या राष्ट्राध्यक्षांनी केलं भाष्य, म्हणाले…
Just Now!
X