News Flash

‘या’ देशात पहिल्यांदा केलं जाणार मलेरियारोधक लसीकरण

मलेरियात अंगदुखी, ताप ही लक्षणे असतात.

तीन आफ्रिकी देशात मुलांना मलेरिया प्रतिबंधक लस देण्यास सुरुवात करण्यात आली आहे. केनिया, घाना व मलावी या देशात लसीकरण सुरू करण्यात आले असून या भागात सध्या मलेरिया म्हणजे हिवतापाची लागण मोठय़ा प्रमाणात आहे. दक्षिण आफ्रिकी देश असलेल्या मलावीसह केनिया व घानात बालकांना ही लस दिल्याने या रोगापासून पूर्ण संरक्षण मिळणार आहे. नवीन लस ही चाळीस टक्के जास्त प्रभावी आहे. तज्ज्ञांच्या मते मलेरियाविरोधातील लढाई सुरू आहे. यात उपचारांना काही वेळा जंतू दाद देत नाहीत त्यामुळे धोका वाढत चालला आहे. लस तयार करून ती मुलांना दिल्याने या रोगाला आळा बसणार आहे.

आफ्रिकेतील देशांमध्ये मलेरियाने दरवर्षी चार लाख लोक मरतात, त्यात दोन तृतीयांश हे पाच वर्षांखालील मुले असतात. मलेरियात अंगदुखी, ताप ही लक्षणे असतात.

बालकांना मलेरिया झाल्याने मातांना त्यांचे रोजगारही गमवावे लागतात. या भागात मका व उसाची शेती असल्याने डासांचे प्रमाण अधिक आहे. पावसाळ्यात डासांचे प्रमाण जास्त असल्याने त्या काळात धोका अधिक असतो. लस दिल्याने तो कमी होणार आहे. सध्या वैद्यकीय पथके तेथे महिन्यातून दोनदा भेटी देत असून मलेरियाच्या लशी पोर्टेबल शीतकातून आणल्या जात आहेत.

आरोग्य कर्मचाऱ्यांच्या मते मलेरियारोधक औषधांची जागा लस घेऊ शकणार नाही. कीटकनाशक मच्छरदाण्या हा यात प्रभावी उपाय आहे. नवीन लस तयार करण्यास तीन दशके लागली असून मलेरियास पाच प्रकारचे परोपजीवी जंतू कारणीभूत असतात. डासांमुळे सोपोरोझोइट हे परोपजीवी जंतू शरीरात पसरतात. ते यकृतात गेले तर त्यांची संख्या वाढून ते पुन्हा रक्तात येतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 24, 2020 8:21 pm

Web Title: malaria vaccine in africa mppg 94
Next Stories
1 पाण्याखालून अण्वस्त्र हल्ला करणाऱ्या K-4 मिसाइलची सहा दिवसात दुसरी चाचणी यशस्वी
2 सुरक्षित शरीरसंबंधांचा आग्रह धरला म्हणून महिलेची हत्या
3 भारतात मार्केटिंगवर फेसबुकचा भर, मार्केटिंग प्रमुखपदी अविनाश पंत यांची नियुक्ती
Just Now!
X