News Flash

उत्पादन क्षेत्रात पाच वर्षांत ५२० अब्ज डॉलरची वाढ – मोदी

उत्पादन निगडित प्रोत्साहन योजनेमुळे दूरसंचार, वाहन उद्योग, औषध उद्योग या क्षेत्रातही विस्तार करणे शक्य होणार आहे.

(संग्रहित छायाचित्र)

 

उत्पादनाशी निगडित प्रोत्साहनांमुळे येत्या पाच वर्षांत भारतातील उत्पादन क्षेत्रात ५२० अब्ज डॉलर्सची वाढ होईल असे मत पंतप्रधान नरेंद्र मोदी यांनी व्यक्त केले.

एका वेबीनारमध्ये त्यांनी सांगितले की, सरकार देशांतर्गत उत्पादन क्षेत्रातील सुधारणांना प्रोत्साहन देत आहे. या वर्षीच्या अर्थसंकल्पात २ लाख कोटी रुपये उत्पादनाशी निगडित प्रोत्साहनांकरिता ठेवलेले आहेत. त्यामुळे पुढील पाच वर्षांत उत्पादन क्षेत्रात ५२० अब्ज डॉलर्सची वाढ अपेक्षित आहे. उत्पादनाशी निगडित प्रोत्साहनांमुळे सध्या अनेक क्षेत्रांतील रोजगार वाढणार असून फायदेही दुप्पट होतील. सरकारने अनुपालनाचे ओझे कमी केले असून उद्योगस्नेही वातावरण निर्माण केले आहे. त्यामुळे उद्योगातील इतर खर्च कमी होणार आहे.

उत्पादन निगडित प्रोत्साहन योजनेमुळे दूरसंचार, वाहन उद्योग, औषध उद्योग या क्षेत्रातही विस्तार करणे शक्य होणार आहे. यातून निर्यातीलाही उत्तेजन मिळणार आहे. करोनामुळे सध्याच्या काळात उत्पादन क्षेत्रावर काही प्रमाणात परिणाम झालेला आहे तो दूर होण्यास उत्पादनाशी निगडित प्रोत्साहनांनी फायदा होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 5, 2021 11:27 pm

Web Title: manufacturing sector 520 billion growth in five years modi abn 97
Next Stories
1 “तुम्ही ‘ते’ स्वस्त तेल वापरा”, पेट्रोल दरवाढीवरून सौदीनं भारतालाच ऐकवलं!
2 १ एप्रिलपासून प्रवासी वाहनांमध्ये फ्रंट एअरबॅग अनिवार्य
3 CBSE बोर्डाच्या १०वा, १२वी पेपरच्या तारखांमध्ये बदल! वाचा बदललेल्या तारखा!
Just Now!
X