26 May 2020

News Flash

भारत-पाक सीमारेषेचा फोटो दाखवताना गृहमंत्रालयाने तोडले अकलेचे तारे

हा फोटो नेमका कुठून आला? याची चौकशी आता केंद्रीय गृहमंत्रालयाकडून सुरू आहे

भारत पाकिस्तानचा सीमा भाग पाकिस्तानच्या घुसखोरीमुळे कायम चर्चेत असतो. मात्र आपल्या याच सीमेसंदर्भात फोटो देताना केंद्रीय गृह खात्याने अकलेचे तारे तोडले आहेत. स्पेन आणि मॉरक्कोच्या सीमारेषेचा फोटो दाखवत चक्क ती भारत आणि पाकिस्तानची सीमारेषा असल्याचा फोटो प्रसारित केला आहे. या फोटोची सोशल मीडियावर मोठ्या प्रमाणावर खिल्ली  उडवण्यात येत आहे. या घटनेनंतर गृहमंत्रालयाने चौकशीचे आदेश दिले आहेत. आपल्या सीमारेषेवर फ्लडलाईट्सही लावण्यात येतात ज्याच्या आधारे घुसखोरांचा शोध घेता येतो. हेच लाईट्स लावण्यात सीमेवर लावण्यात आल्याचा जो फोटो केंद्रीय गृहमंत्रालयाने प्रसारित केला आहे तो फोटो स्पेन आणि मॉरक्कोच्या सीमारेषेचा आहे. हा फोटो २००६ मध्ये घेण्यात आला होता. जो झेवियर मोरानो या फोटोग्राफरने घेतला होता.

स्पेन आणि मॉरक्कोच्या सीमेवर असलेले फ्लडलाईट्स दाखवण्यासाठी मोरानोने हा फोटो काढला होता. हा फोटो भारताच्या केंद्रीय गृहमंत्रालयाकडे कसा आला? याचे उत्तर मिळालेले नाही. मात्र हा फोटो भारत आणि पाकिस्तानच्या सीमेचा फोटो या ओळी लिहून दाखवण्यात आल्याने आश्चर्य व्यक्त होते आहे. नासा या अमेरिकेच्या सगळ्यात मोठ्या वैज्ञानिक संस्थेकडेही भारत पाकिस्तान सीमेवरचा फ्लडलाईट्सचा फोटो आहे. अशात भारताने हा फोटो आपल्या दस्तावेजात कसा काय घेतला? हा प्रश्न निर्माण झाला आहे. याप्रकरणाची चौकशी सुरू करण्यात आली असून केंद्रीय गृहसचिव राजीव महर्षी यांनी या फोटोसंदर्भात चौकशी सुरू असून चूक झाली असेल तर आम्ही दिलगिरी व्यक्त करू असे म्हटले आहे.

पीटीआयने दिलेल्या वृत्तानुसार, सीमा सुरक्षा दलांकडून हा फोटो आला का? याचीदेखील चौकशी सध्या करण्यात येते आहे. स्पेन आणि मॉरक्कोची सीमारेषा मेलिला या भागात आहे, फ्लड लाईट लावल्यावर भारत पाकिस्तान आणि ही सीमा रेषा दोन्ही सारख्याच दिसतात त्यामुळे हा घोळ झाला आहे का? याचीही चौकशी सुरू आहे. मात्र केंद्रीय गृहमंत्रालयाच्या या अजब फोटोमुळे केंद्राचे अधिकारी झोपेत आहेत का? असा प्रश्न आता लोकांना पडला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 14, 2017 10:05 pm

Web Title: mha report on border floodlights has picture of spain morocco border
Next Stories
1 गरोदर स्त्रियांसाठीच्या अजब सूचना आमच्या नाहीत, आयुष मंत्रालयाचे स्पष्टीकरण
2 बनावट चकमकीचा गौप्यस्फोट करणाऱ्या सीआरपीएफच्या महानिरीक्षकांची बदली
3 नोटबंदीमुळे देशातला शेतकरी संकटात,सगळ्यांना कर्जमाफी द्यावीच लागेल-ममता बॅनर्जी
Just Now!
X