11 July 2020

News Flash

ताजमहाल म्हणजे कब्रस्तान, अनिल विज यांचा वादग्रस्त ट्विट

अनिल विज यांच्या ट्विटमुळे नवा वाद होण्याची शक्यता

संग्रहित छायाचित्र

ताजमहाल ही वास्तू म्हणजे एक  कब्रस्तान आहे. ताजमहाल हा स्थापत्य कलेचा कितीही सुंदर नमुना असला तरीही त्याची प्रतिकृती लोक घरात ठेवणे अशुभ मानतात असे ट्विट हरयाणाचे विज्ञान तंत्रज्ञान मंत्री अनिल विज यांनी केले आहे. ताजमहाल या विषयावरून सुरू असलेल्या वादात आता अनिल विज यांनीही उडी घेतली आहे. त्यांच्या ट्विटमुळे नवा वाद निर्माण होण्याची चिन्हे आहेत. याआधी भाजप आमदार संगीत सोम यांनी ताजमहाल हा भारतीय संस्कृतीवर लागलेला डाग आहे असे वक्तव्य केले होते. या वक्तव्यामुळे अनेकजण नाराज झाले होते. संगीत सोम यांच्या भूमिकेवर टीकाही झाली होती. आता असेच काहीसे वक्तव्य अनिल विज यांनीही केले आहे.

उत्तर प्रदेशातील पर्यटन स्थळाच्या यादीतून ताजमहालचे नाव योगी आदित्यनाथ सरकारने हटवले आणि यावरून वाद सुरू झाला.  बादशहा शहाजान याने आपल्या वडिलांना तुरुंगात डांबले, त्याला भारतातून हिंदूंचे अस्तित्त्व मिटवायचे होते.. असे लोक आपल्या इतिहासाचा भाग कसे असू शकतात? असा प्रश्न करत ताजमहालाचे नाव हटवण्यात आले. लवकरच औरंगजेब आणि इतर मुघल बादशहांचा इतिहासही पाठ्यपुस्तकातून वगळणार असल्याचे उत्तर प्रदेश सरकारने स्पष्ट केले.

भाजप नेते विनय कटियार यांनीही ताजमहाल हे महादेवाचे मंदिर आहे असा दावा केला. ताजमहालाचे नाव शेकडो वर्षांपूर्वी ‘तेजो महाल’  होते असे कटियार यांनी म्हटले आहे.  इतिहासकार पी. एन. ओक यांच्या पुस्तकाचाही दाखला त्यांनी यासाठी दिला होता.  ताजमहाल ही वास्तू पाहण्यासाठी भारतात देश-विदेशातून पर्यटक येत असतात. मात्र सध्या हाच ताजमहाल वादाचा विषय ठरताना दिसतो आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 20, 2017 5:35 pm

Web Title: minister of haryana says taj mahal is a beautiful graveyard
टॅग Taj Mahal
Next Stories
1 अभिनेता विजयच्या चित्रपटावर भाजपचा आक्षेप; जीएसटीवर टीका केल्याचा आरोप
2 ‘ताजमहाल’ने लाखो पर्यटकांना भारताकडे आकर्षित केले; केरळच्या पर्यटनविभागाकडून कौतुक
3 सॉलिसिटर जनरल रणजीत कुमार यांचा राजीनामा
Just Now!
X