News Flash

किमान निवृत्तिवेतन एक हजार रुपये लवकरच

कर्मचारी निवृत्तिवेतन योजनेअंतर्गत दरमहा एक हजार रुपये निवृत्तिवेतन देण्याची योजना लवकरच राबविण्यात येणार असून देशभरातील सुमारे २८ लाख निवृत्तिवेतनधारकांना या योजनेचा फायदा होणार

| May 19, 2014 06:07 am

कर्मचारी निवृत्तिवेतन योजनेअंतर्गत दरमहा एक हजार रुपये निवृत्तिवेतन देण्याची योजना लवकरच राबविण्यात येणार असून देशभरातील सुमारे २८ लाख निवृत्तिवेतनधारकांना या योजनेचा फायदा होणार आहे. मावळत्या यूपीए सरकारने हा निर्णय घेतला होता.
आता निवडणुका संपुष्टात आल्यामुळे कर्मचारी निवृत्तिवेतन-९५ (ईपीएस-९५) या योजनेअंतर्गत किमान निवृत्तिवेतन योजना राबविण्यात येईल, असे संबंधित अधिकाऱ्याने सांगितले. ५ मार्च रोजी निवडणुका जाहीर झाल्यानंतर आचारसंहिता लागू झाल्यामुळे या निर्णयाची अंमलबजावणी करता आली नव्हती. केंद्रीय मंत्रिमंडळाच्या २८ फेब्रुवारी रोजी झालेल्या बैठकीत निर्णय घेण्यात आला होता. देशभरात ४४ लाख निवृत्तिवेतनधारक असून पाच लाख विधवांसह २८ लाख निवृत्तिवेतनधारकांना या निर्णयाचा फायदा होणार आहे.
या योजनेच्या अंमलबजावणीसाठी सरकारला सुमारे १,२१७ कोटी रुपयांची तरतूद करावी लागेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 19, 2014 6:07 am

Web Title: ministry approves rs 1000 minimum monthly pension for pf
टॅग : Pf
Next Stories
1 पाश्चिमात्य देशांवर राजपक्षे यांची टीका
2 दूतावासांवरील हल्ल्यांचा कट आखण्याच्या प्रकरणात मलेशियाकडून माहिती घेणार
3 सुब्रतो रॉय यांचा ‘तिहार’ मुक्काम कायम; ठोस प्रस्ताव देण्याचे आदेश
Just Now!
X