19 September 2020

News Flash

बिहार पॅकेज म्हणजे जुन्याच योजना!

पंतप्रधान नरेंद्र मोदी यांनी बिहारसाठी जाहीर केलेल्या विशेष पॅकेजमधील ८७ टक्के योजना जुन्याच असून त्यांना केवळ नव्या रूपात सादर केले आहे,

| August 27, 2015 03:20 am

पंतप्रधान नरेंद्र मोदी यांनी बिहारसाठी जाहीर केलेल्या विशेष पॅकेजमधील ८७ टक्के योजना जुन्याच असून त्यांना केवळ नव्या रूपात सादर केले आहे, अशी टीका बिहारचे मुख्यमंत्री नितीशकुमार यांनी केली आहे. बिहार विधानसभा निवडणुका जिंकण्याच्या हेतूने सदर पॅकेज जाहीर करण्यात आल्याचा आरोपही नितीशकुमार यांनी केला.
बिहारसाठी जाहीर करण्यात आलेल्या १.२५ लाख कोटी रुपयांच्या पॅकेजमधील केवळ १० हजार ३६८ कोटी रुपयांपेक्षा अधिक काहीही उपलब्ध होणार नाही आणि त्यासाठीही कालबद्ध कार्यक्रम नाही, त्यामुळे राज्याच्या पदरात जेमतेमच पडेल, असे नितीशकुमार यांनी बिहारचे अर्थमंत्री बिजेंद्रप्रसाद यादव यांच्या उपस्थितीत वार्ताहरांना सांगितले. या पॅकेजचा अभ्यास केला असता असे आढळले की, १.२५ लाख कोटी रुपयांच्या पॅकेजमधील ८७ टक्के योजना जुन्याच आहेत आणि त्या नव्याने सादर करण्यात आल्या आहेत. ज्या नव्या योजना आहेत त्यासाठी पॅकेजमध्ये केवळ सहा हजार कोटी रुपयेच आहेत. त्यामुळे या पॅकेजचा सारासारविचार करता बिहार निवडणूक जिंकण्याच्या उद्देशाने केलेला तो एक विनोद आहे, असेही ते म्हणाले.
नितीशकुमार यांच्या आक्रमक प्रचार तंत्राला जोरदार धक्का देण्यासाठी पंतप्रधान नरेंद्र मोदी यांनी राज्याच्या विकासासाठी सव्वा लाख कोटी रुपयांचे पॅकेज जाहीर केले. त्यामुळे बिहार निवडणुकीतील प्रचाराचे मुद्दे बदलले आहेत. येत्या काही दिवसांत प्रचारात भाजप अधिक आक्रकम होण्याची शक्यता आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 27, 2015 3:20 am

Web Title: modi bihar package is mere repackaging says nitish kumar
टॅग Nitish Kumar
Next Stories
1 जीवनशैलीसंदर्भातील विकारांवर मात करणे शक्य?
2 थेट प्रक्षेपण सुरू असताना अमेरिकेत पत्रकार, कॅमेरामनवर गोळीबार ; दोघे जागीच ठार
3 बीएसएफ-पाकिस्तान रेंजर्सची सप्टेंबरमध्ये दिल्लीत बैठक?
Just Now!
X