News Flash

आयसिसच्या प्रसाराविरोधात सरकारच्या उपाययोजना

भारतात आयसिसचा प्रसार रोखण्यासाठी पावले उचलली जात आहे.

| December 9, 2015 01:30 am

तीन तरुणांपैकी अयाज सुलतान यांने देश सोडल्याची शक्यताही दहशतवादविरोधी पथकाने व्यक्त केली आहे. मात्र, वाजिद आणि मोहसिन यांच्या ठाव ठिकाण्याबद्दल कोणतीही माहिती नाही.

लोकसभेत माहिती
भारतात आयसिसचा प्रसार रोखण्यासाठी पावले उचलली जात असून मूलतत्त्ववादाच्या शिकवणीविरोधात धोरण आखले जात आहे, त्याशिवायही अनेक उपाययोजना केल्या जात आहेत असे सरकारने लोकसभेत सांगितले.
गृह राज्यमंत्री किरेन रिजीजू यांनी सांगितले की, सरकारने आयसिसचा मुकाबला करण्यासाठी अनेक उपाययोजना केल्या आहेत. मूलतत्त्ववाद विरोधी धोरण, व्यावसायिक, शैक्षणिक व सांस्कृतिक मार्गाने होणारा प्रसार यावर लक्ष ठेवले जात आहे.
लेखी उत्तरात दुसरे मंत्री हरीभाई पराथीभाई चौधरी यांनी म्हटले आहे की, आयसिस भारतात समाजमाध्यमांच्या वापरातून तरुणांची भरती करण्याचा प्रयत्न करीत आहे. त्यांना त्यात फारसे यश आलेले नसले तरी राष्ट्रीय सुरक्षेला यापुढे धोका होऊ शकतो. गुप्तचर व सुरक्षा संस्थांना दहशतवादी संघटनांकडे तरुण आकर्षित होत नाहीत ना यावर लक्ष ठेवण्यास सांगितले आहे. बेकायदा कारवाया प्रतिबंधक कायदा १९६७ अन्वये ३९ संघटनांवर बंदी घालण्यात आली असून त्यात बब्बर खालसा इंटरनॅशनल, हरकत उल मुजाहिद्दीन, युनायटेड लिबरेशन फ्रंट ऑफ आसाम, लिबरेशन टायगर्स ऑफ तामिळ ईलम, स्टुडंट्स इस्लामिक मूव्हमेंट ऑफ इंडिया, सीपीआय-एमएल, पीपल्स वॉर ग्रुप यांचा समावेश आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 9, 2015 1:30 am

Web Title: modi government plans to stop isis in india
टॅग : Isis
Next Stories
1 मुस्लिमांना अमेरिकेत प्रवेशबंदीवर ट्रम्प ठाम
2 आमिरला सोनियांची फूस ; विहिपच्या साध्वी प्राची यांचा आरोप
3 हेराल्ड प्रकरणात राजकीय सुडाची भावना नाही- जेटली