बिहारच्या विधानसभा निवडणुकीत सात लाखाहून अधिक लोकांनी ‘यापैकी कुणीही नाही’, म्हणजे ‘नोटा’ हा पर्याय स्वीकारल्याचे निवडणूक आयोगाने सांगितले आहे. निवडणूक आयोगाने जारी केलेल्या आकडेवारीनुसार, एकूण ७ लाख ६ हजार २५२, म्हणजे एकूण मतदारांपैकी १.७ टक्के लोकांनी ‘नोटा’चा पर्याय स्वीकारला. बारा मतांनी विजय बिहारमधील हिल्सा मतदारसंघात संयुक्त जनता दलाच्या उमेदवाराने केवळ १२ मतांनी विजय मिळवला आहे. येथून जनता दलाचे कृष्णमुरारी शरण यांना ६१,८४८ मते मिळाली. तर त्यांच्या विरोधातील राष्ट्रीय जनता दलाचे शक्ती सिंह यांना ६१,८३६ मते मिळाली.
