येथील जाट वसाहतीत एका समुदायाच्या चार विद्यार्थ्यांना गटाने मारहाण केल्यामुळे शहरात तणाव निर्माण झाला आहे.शुक्रवारी सायंकाळी हे चार विद्यार्थी क्लाससाठी जात असताना त्यांनी मुलींची छेडछाड केल्याची सबब सांगून एका गटाने त्यांना जबरदस्त मारहाण केली. पोलिसांनी त्यांची सुटका करून त्यांना रुग्णालयात दाखल केले. नंतर संतप्त आंदोलकांनी पोलीस ठाण्यास घेराव घालून मारहाण केलेल्यांविरोधात कडक कारवाई करण्याची मागणी केली.
