05 June 2020

News Flash

‘इंडियन मुजाहिद्दीन’च्या मोस्ट वाँटेड दहशतवाद्याला दिल्लीत अटक

पाच बॉम्बस्फोटांमध्ये आरिजचा हात होता.

आरिज उर्फ जुनैद हा २००८ पासून भारतातील गुप्तचर यंत्रणांच्या रडारवर होता.

इंडियन मुजाहिद्दीन या दहशतवादी संघटनेचा मोस्ट वाँटेड दहशतवादी आरिज खान उर्फ जुनैदला दिल्ली पोलिसांच्या विशेष शाखेने अटक केली आहे. पाच बॉम्बस्फोटांमध्ये आरिजचा हात होता. २००८ मधील बाटला हाऊसमधील चकमकीनंतर तो पसार होता.

सप्टेंबर २००८ मध्ये दिल्लीतील बाटला हाऊस येथील चकमकीत आरिज खान हा पळून जाण्यात जाण्यात यशस्वी ठरला होता. या चकमकीत दोन दहशतवाद्यांना कंठस्नान घालण्यात आले होते. तर दोघांना पोलिसांनी अटक केली होती. पोलीस निरीक्षक मोहनचंद शर्मा या चकमकीत शहीद झाले होते.

आरिज उर्फ जुनैद हा २००८ पासून भारतातील गुप्तचर यंत्रणांच्या रडारवर होता. त्याचा पाच बॉम्बस्फोटांमध्ये हात असल्याची माहिती पोलिसांकडे होती. अखेर दिल्ली पोलिसांनी भारत – नेपाळ सीमेवरुन त्याला अटक केली आहे.

आरिज हा मूळचा उत्तर प्रदेशमधील आझमगडचा रहिवासी आहे. त्याने अभियांत्रिकी शाखेत शिक्षण घेतले होते. त्याच्यावर राष्ट्रीय तपास संस्थेने (एनआयए) १० लाख रुपयांचे तर दिल्ली पोलिसांनी ५ लाख रुपयांचे इनामही जाहीर केले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 14, 2018 2:28 pm

Web Title: most wanted indian mujahideen terrorist ariz khan arrested delhi police special cell batla house encounter
टॅग Terrorist
Next Stories
1 ‘आयएएस’ऐवजी गुन्हेगार झाला; मुलाचा मृतदेह ३५ दिवस ठेवला सुटकेसमध्ये
2 नर्मदा परिक्रमेनंतर पकोडे तळणार नाही, दिग्विजय सिंह यांचा मोदींना टोला
3 ‘व्हॅलेंटाइन डे’ला बजरंग दलाकडून देशभरात विरोध, नागपूरात ‘इशारा रॅली’
Just Now!
X