News Flash

सुषमा स्वराज यांना किडनी देण्यास पोलीस हवालदाराची तयारी

गौरव सिंह डांगी (वय २६) असे या हवालदाराचे नाव आहे.

एका किडनीनेही मला सामान्य जीवन जगता येईल. किडनी दिल्यानंतरही मी वाहतूक पोलिसांत काम करून देशसेवा करू शकतो, असे त्याने म्हटले.

किडनी निकामी झाल्याने उपचार घेत असलेल्या परराष्ट्र मंत्री सुषमा स्वराज यांना किडनी देण्यास मध्यप्रदेशातील एका पोलिस हवालदाराने तयारी दर्शवली आहे. गौरव सिंह डांगी (वय २६) असे या हवालदाराचे नाव असून तो वाहतूक पोलिसांत कार्यरत आहे. डांगी याने ट्विटरवर सुषमा स्वराज यांना किडनी देण्याची इच्छा व्यक्त केली आहे. मी माझी किडनी दान करू इच्छितो. माझा रक्त गट ओ पॉझिटव्ह आहे, अशा आशयाचे ट्विट त्याने केले आहे.
सुषमा स्वराज यांची किडनी निकामी झाल्याचे समजले तेव्हा मला त्यांची काळजी वाटू लागली. जर वैद्यकीय तपासणीत माझी किडनी त्यांच्यावर प्रत्यार्पण करण्यास योग्य असेल तर मी माझी एक किडनी त्यांना देण्यास तयार आहे, असे त्याने म्हटले. सुषमा स्वराज यांच्या कामामुळे आपण प्रभावित झालो आहोत. परराष्ट्र मंत्री म्हणून त्यांचे काम चांगले असल्यामुळेच मी ट्विटरच्या माध्यमातून त्यांना किडनी देण्यास तयार असल्याचे सांगितले. सुषमा स्वराज या माझ्या नातेवाईक नाहीत, असेही तो म्हणाला.
एका किडनीनेही मला सामान्य जीवन जगता येईल. किडनी दिल्यानंतरही मी वाहतूक पोलिसांत काम करून देशसेवा करू शकतो, असे त्याने म्हटले. डांगी हा मूळचा टिकमगड जिल्ह्यातील निवाडी तालुक्यातील टिहरका गावचा रहिवासी आहे. मागील साडेतीन वर्षांपासून तो वाहतूक पोलिसांत कार्यरत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 17, 2016 11:42 pm

Web Title: mp traffic constable offers kidney to sushma swaraj
Next Stories
1 दिल्लीतील १५ वर्षे जुनी डिझेल वाहने जप्त करण्याचे नजीब जंग यांचे आदेश
2 राष्ट्रीय महामार्गापाठोपाठ राज्य मार्गावरही टोलमाफीला मुदतवाढ
3 लेखक बॉब डिलन नोबेल पुरस्कार सोहळ्याला अनुपस्थित राहणार
Just Now!
X