समाजवादी पक्षाचे नेते मुलायमसिंह यादव यांना गुरगाव येथील रुग्णालयात दाखल करण्यात आले असून त्यांना स्वाइन फ्लू झाल्याचा संशय आहे.मुलायम सिंह यांना श्वासोच्छवासास त्रास होत होता व अस्वस्थता जाणवत होती. डॉक्टरांनी सांगितले की, त्यांचे नमुने चाचणीसाठी पाठवण्यात आले असून त्यांच्यात स्वाइन फ्लूची लक्षणे दिसत आहेत, पण त्याची खातरजमा केल्यानंतरच काही निश्चित निदान सांगता येईल.लखनौ येथे समाजवादी पक्षाचे प्रवक्ते राजेंद्र चौधरी यांनी सांगितले की, मुलायम सिंह यांना विश्रांतीचा सल्ला देण्यात आला आहे.
