News Flash

मुशर्रफ याचक बनले!

पाकिस्तानातील पंजाब प्रांतातील कसुर मतदारसंघातून दाखल केलेला उमेदवारी अर्ज फेटाळण्यात आल्यामुळे पाकिस्तानचे माजी लष्करप्रमुख परवेझ मुशर्रफ यांनी त्या विरोधात निवडणूक लवादाकडे बुधवारी दाद मागितली आहे.

| April 12, 2013 01:21 am

पाकिस्तानातील पंजाब प्रांतातील कसुर मतदारसंघातून दाखल केलेला उमेदवारी अर्ज फेटाळण्यात आल्यामुळे पाकिस्तानचे माजी लष्करप्रमुख परवेझ मुशर्रफ यांनी त्या विरोधात निवडणूक लवादाकडे बुधवारी दाद मागितली आहे.
मुशर्रफ यांचे वकील सलमान सफदर यांनी या प्रकरणी याचिका दाखल केली आहे. त्यांनी आपल्या याचिकेत नमूद केले आहे की, मुशर्रफ यांनी राष्ट्रपती या पदावरून १० वर्षे देशाची सेवा केली आहे. मात्र असे असतानाही निर्वाचन अधिकाऱ्याने त्यांचे नामांकन पत्र फेटाळल्याचे याचिकेत नमूद केले आहे.
मुशर्रफ यांचा खैबर- पख्तुनख्वा प्रांतातील चित्रल मतदारसंघातून भरलेला उमेदवारी अर्ज मंजूर करण्यात आल्याचेही याचिकेत मांडण्यात आले आहे. निवडणूक लवादाने निर्वाचन अधिकाऱ्याचा निर्णय बाजूला ठेवून येत्या ११ मे रोजी कसुर मतदारसंघातून निवडणूक लढण्यास परवानगी द्यावी, अशी मागणी मुशर्रफ यांनी लवादाकडे केली आहे. मुशर्रफ यांनी चार मतदारसंघातून उमेदवारी अर्ज दाखल केले आहेत. त्यापैकी कराची, कसुर आणि इस्लामाबाद मतदारसंघातील त्यांचे उमेदवारी अर्ज फेटाळण्यात आले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 12, 2013 1:21 am

Web Title: musharraf files appeal against rejection of his nomination
टॅग : Pervez Musharraf
Next Stories
1 ‘भाजपने सिद्धूकडे दुर्लक्ष केले’
2 विचार बदला पासवर्ड बदलेल
3 ओबामा यांच्या अर्थसंकल्पात लष्करी खर्चामध्ये कपात नाही
Just Now!
X