22 October 2020

News Flash

मुझफ्फरनगर दंगल: हिंदू – मुस्लिमांमध्ये समझोता, मागे घेणार खटले

मुलायमसिंह यादव यांनी दोन्ही समाजात ऐक्य घडवून आणले.

मुलायम सिंह यादव

मुझफ्फरनगर येथे २०१३ मध्ये झालेल्या दंगलीतील पीडित मुस्लीम आणि जाट कुटुंबीयांनी एकमेकांविरोधात खटले मागे घेण्याचा निर्णय घेतला आहे. उत्तर प्रदेशचे माजी मुख्यमंत्री मुलायमसिंह यादव यांच्या नवी दिल्लीतील निवासस्थानी या दंगलीतील जाट आणि मुस्लीम नेत्यांमध्ये मागील पाच दिवसांपासून चर्चा सुरू होती. चर्चेअंती ठरलेल्या फॉर्म्युलानुसार पाच गावातील दोन्ही समूह आणि पीडितांनी अखेर खटले मागे घेण्याचा निर्णय घेतला. वर्ष २०१३ मध्ये दंगलीमुळे गाव कुतबा, पुरबलियान, काकडा, हदोली येथील लोक सर्वाधिक प्रभावित झाली होती.

या समजोत्यातंर्गत पाच गावातील २९ खटले मागे घेण्यात येणार आहेत. या दंगलीत ६३ जणांना आपले प्राण गमवावे लागले होते. तर ५० हजार हून अधिक लोक विस्थापित झाले होते. जाट नेता विपिन बालियान म्हणाले की, दिल्लीमध्ये मुलायमसिंह यादव यांच्या निवासस्थानी ज्याप्रमाणे निर्णय झाला, त्याप्रमाणे दंगलीतील सर्वाधिक प्रभावित झालेल्या पाच गावातील लोक रविवारी समजोत्यावर सहमत झाले. आता पुढील सुनावणीवेळी न्यायालयात शपथपत्र दाखल करण्यात येईल.

रविवारी बैठकीदरम्यान समाजवादी पक्षाचे खासदार अमीर आलम, आमदार नवाजिश आलम, बसपाचे माजी खासदार कादिर राणा आणि काँग्रेसचे माजी खासदार हरेंद्रसिंह मलिक हेही उपस्थित होते.

कुतबा गावात झालेल्या दंगलीत आपल्या आईला गमावलेला मोहम्मद हसन म्हणाला की, मीही मुलायमसिंह यांच्या निवासस्थानी चर्चेवेळी उपस्थित होतो. विपिन बालियान यांनी मला बोलावले होते. तिथे अनेक जाट आणि मुस्लीम नेते उपस्थित होते. त्यांच्या सहमती फॉर्म्युलाला मी होकार दिला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 1, 2018 2:53 pm

Web Title: muzaffarnagar riots settlement between hindu and muslim withdrawal of criminal cases
Next Stories
1 अजित डोवल- पाक सुरक्षा सल्लागारांच्या भेटीवर भारताचे मौन
2 शस्त्रसंधी उल्लंघनानंतरही क्रिकेट सामन्यांची अपेक्षा कशी करता? सुषमा स्वराजांनी पाकिस्तानला फटकारलं
3 सीमारेषेवर भारत अतिआक्रमक; चीनचा कांगावा
Just Now!
X