29 October 2020

News Flash

निदो तॅनियम प्रकरण : शवविच्छेदन अहवालावरून चौघांविरोधात खुनाचा गुन्हा

अरुणाचल प्रदेशमधील काँग्रेसचे आमदार निदो पवित्रा यांचा १९ वर्षीय मुलगा निदो तॅनिअम याचा मृत्यू जबर मारहाणीमुळे झाल्याचे शवविच्छेदन अहवालात स्पष्ट

| February 12, 2014 12:33 pm

अरुणाचल प्रदेशमधील काँग्रेसचे आमदार निदो पवित्रा यांचा १९ वर्षीय मुलगा निदो तॅनिअम याचा मृत्यू जबर मारहाणीमुळे झाल्याचे शवविच्छेदन अहवालात स्पष्ट झाल्यानंतर दिल्ली पोलिसांनी याप्रकरणी चौघांविरोधात खुनाचा गुन्हा दाखल केला आहे. यापैकी एका आरोपीला मंगळवारी पोलिसांनी अटक केली आहे.
निदो तॅनिअम याच्या डोक्याला तसेच चेहऱ्याला जबर मार लागल्यामुळेच त्याचा मृत्यू झाल्याचे शवविच्छेदन अहवालातून समोर आले आहे. या शवविच्छेदन अहवालावरून दिल्ली पोलिसांनी आरोपी फरमन, सुंदर, पवन आणि सन्नी उप्पल या चौघांविरोधात खुनाचा गुन्हा दाखल केल्याचे महानगर दंडाधिकारी पवन कुमार यांच्यासमोर सांगितले. सध्या अटकेतील सर्व आरोपींना २५ फेब्रुवारीपर्यंत न्यायालयीन कोठडीत ठेवण्याचे आदेश न्यायालयाने दिले आहेत. दरम्यान, आता खुनाचा गुन्हा दाखल झाल्याने या आरोपींची अधिक चौकशी करण्यासाठी त्यांना पोलीस कोठडी मिळावी यासाठी पोलीस नव्याने न्यायालयात अर्ज सादर करणार आहेत.
केसांच्या ठेवणीवरून लाजपतनगरमधील काही दुकानदारांनी २९ जानेवारी रोजी निदो तॅनिअमची थट्टा केली होती. या वेळी झालेल्या वादातून दुकानदारांनी निदोला बेदम मारहाण केल्याची तक्रार झाली होती. या मारहाणीनंतर दुसऱ्याच दिवशी एम्समध्ये उपचारादरम्यान निदोचा मृत्यू झाला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 12, 2014 12:33 pm

Web Title: nido taniam murder case murder charges in nido taniams death
Next Stories
1 मुशर्रफ यांच्याविरुद्ध लष्करी न्यायालयात खटला चालवावा
2 भारतीयांना खेचण्यासाठी ऑस्ट्रेलियात ‘झप्पी’ मोहिम
3 मोदींसाठी भाजपचे ‘गुजरात अस्मिता’ कार्ड!
Just Now!
X