News Flash

भाजप विरोधकांना एकत्र आणण्यात माझी मध्यस्थाची भूमिका – नितीश कुमार

एखाद्याच्या नशिबात पंतप्रधान होणे लिहिलेले असेल तर एक दिवस तो पंतप्रधान होईल

| April 24, 2016 02:36 am

nitish kumar : बिहारमध्ये एप्रिलपासून दारूबंदी लागू करण्यात आली आहे. बिहार हे देशातील चौथे "ड्राय स्टेट‘ आहे.

भाजपचा पराभव करण्याच्या उद्देशाने सर्व भाजपविरोधी पक्षांना एकत्र आणण्यासाठी आपण ‘मध्यस्थ’ म्हणून काम करत असल्याचे बिहारचे मुख्यमंत्री नितीश कुमार यांनी शनिवारी सांगितले. आपण कुठल्याही पदाचे दावेदार नसलो, तरी एखाद्याच्या नशिबात पंतप्रधान होणे लिहिलेले असेल तर एक दिवस तो पंतप्रधान होईल, असे सांगून त्यांनी या मुद्दय़ावर सूचक संकेत दिले.
आपण सर्वानी भाजपविरुद्ध एकत्र व्हायला हवे, असे आवाहन नितीश कुमार यांनी जनता दल (यू)च्या राष्ट्रीय परिषदेच्या बैठकीत भाषण करताना केले. या बैठकीने नितीश यांच्या राष्ट्रीय अध्यक्ष म्हणून झालेल्या निवडीवर शिक्कामोर्तब केले. मावळते अध्यक्ष शरद यादव यांनी नितीश यांचे नाव सुचवले आणि देशभरातून आलेल्या सुमारे एक हजार प्रतिनिधींनी या निवडीला दुजोरा दिला.
काही दिवसांपूर्वीच नितीश कुमार यांनी सर्व पक्षांना ‘संघमुक्त भारत’ करण्यासाठी एकत्र येण्याचे, तसेच २०१९ च्या सार्वत्रिक निवडणुकीत भाजपला हद्दपार करण्यासाठी बिहारमधील प्रयोगाची राष्ट्रीय स्तरावर पुनरुक्ती करण्याचे आवाहन केले होते. यामुळे नितीश हे अशा आघाडीचे नेतृत्व करू शकतील, अशा अटकळी सुरू झाल्या होत्या.
एखाद्या व्यक्तीच्या नशिबात पंतप्रधान होण्याचे लिहिले असेल, तर तुम्ही त्याचे नाव घ्या अथवा घेऊ नका, तो पंतप्रधान होईलच.. आणि त्या व्यक्तीने स्वत:ला पंतप्रधानपदाचे उमेदवार घोषित केल्यास त्याचे स्वप्न कधीच प्रत्यक्षात येत नाही, असे नितीश या वेळी म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 24, 2016 2:36 am

Web Title: nitish kumar speaks of grand alliance of anti bjp parties for 2019
टॅग : Bjp,Nitish Kumar
Next Stories
1 पनामा पेपर्स प्रकरणी मोझॉक फोन्सेकावर छापे
2 परवेझ मुशर्रफ यांचा न्यायालयात हजेरीतून सूट मागणारा अर्ज फेटाळला
3 भारतीय कॉल सेंटर कर्मचाऱ्यांच्या सदोष उच्चारांची ट्रम्प यांच्याकडून नक्कल
Just Now!
X