06 August 2020

News Flash

Brussels Attack : जखमींमध्ये भारतीयांचा समावेश नाही – परराष्ट्र मंत्रालय

या स्फोटांमध्ये दहापेक्षा जास्त जण मृत्युमुखी पडले आहेत.

या स्फोटांनंतर युरोपियन युनियनच्या प्रशासकीय कार्यालयापासून जवळच असलेल्या मेट्रो स्थानकावरही स्फोट घडवून आणण्यात आला. या स्फोटांमध्ये सापडलेल्या नागरिकांमध्ये कोणी भारतीय आहेत का, याचा शोध भारतीय दूतावासाकडून घेण्यात येतो आहे.

ब्रुसेल्स विमानतळावर झालेल्या साखळी बॉम्बस्फोटांमध्ये एकही भारतीय जखमी झालेला नसल्याचे परराष्ट्र व्यवहार मंत्रालयाने स्पष्ट केले आहे. बेल्जियमची राजधानी असलेल्या ब्रुसेल्समधील विमानतळावर मंगळवारी सकाळी दोन बॉम्बस्फोट झाले. या स्फोटांमध्ये दहापेक्षा जास्त जण मृत्युमुखी पडले असून, अनेक जण जखमी झाले आहेत. या स्फोटांनंतर युरोपियन युनियनच्या प्रशासकीय कार्यालयापासून जवळच असलेल्या मेट्रो स्थानकावरही स्फोट घडवून आणण्यात आला. या स्फोटांमध्ये सापडलेल्या नागरिकांमध्ये कोणी भारतीय आहेत का, याचा शोध भारतीय दूतावासाकडून घेण्यात येतो आहे. पण आतापर्यंत मिळालेल्या माहितीनुसार एकही भारतीय या स्फोटात जखमी झालेला नाही.
पॅरिसमध्ये गेल्यावर्षी नोव्हेंबरमध्ये झालेल्या दहशतवादी हल्ल्यातील एका संशयित आरोपीला चार दिवसांपूर्वी बेल्जियमच्या पोलिसांनी अटक केली होती. त्यानंतर हे स्फोट झाल्यामुळे सुरक्षायंत्रणा त्या दिशेने तपास करीत आहेत. बेल्जियममधील पोलीस आणि लष्कराला सज्ज राहण्याचे आदेश देण्यात आले असून, कोणताही अनुचित प्रकार टाळण्यासाठी गस्तही वाढविण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 22, 2016 3:44 pm

Web Title: no indian casualties in brussels attack mea
Next Stories
1 Wallet Transaction Fraud : खासगी बँकेला कोटींचा गंडा
2 साखळी बॉम्बस्फोटांनी ब्रुसेल्स हादरले; विमानतळ, मेट्रो टार्गेट, १३ ठार
3 कन्हैया कुमारने घेतली राहुल गांधींची भेट
Just Now!
X