News Flash

विमान हवेत असतानाच प्रवाशाने केला आपातकालीन दरवाजा उघडण्याचा प्रयत्न; इतरांच्या काळजाचा ठोकाच चुकला

काळ आला होता पण वेळ आली नव्हती

(संग्रहित छायाचित्र)

शनिवारी नवी दिल्लीहून वाराणसीकडे जाणाऱ्या स्पाइसजेट विमानातून प्रवास करणा्या एका प्रवाशाने विमान हवेत असतानाच आपातकालीन दरवाजा उघडण्याचा प्रयत्न केला, त्यावेळी विमानातील क्रूने त्याला कसेबसे रोखले आणि विमान सुरक्षितपणे खाली आल्यावर त्याला पोलिसांच्या हवाली केले. फुलपूर येथील स्टेशन हाऊस ऑफिसरच्या म्हणण्यानुसार, हा गोंधळ घालणारा माणूस मानसिकदृष्ट्या आजारी असल्याचे समजले आहे.

स्पाइसजेटने या घटनेबद्दल एक निवेदन जारी केले आहे की, “२७ मार्च २०२१ रोजी स्पाइस जेट एसजी -२००३ (दिल्ली-वाराणसी) विमानाने प्रवास करणाऱ्या एका प्रवाशाने विमान हवेत असताना आक्रमकपणे विमानाचा आपत्कालीन दरवाजा उघडण्याचा प्रयत्न केला. ”

एअरलाइन्सने सांगितले की, या प्रवाशाला सह प्रवाशांच्या मदतीने विमानातील कर्मचाऱ्यांनी नियंत्रणात आणले. स्पाइसजेटच्या प्रवक्त्याने सांगितले की, “क्रूने तातडीने कॅप्टनला माहिती दिली ज्यांनी प्राधान्याने लँडिंगची विनंती केली.”

वाराणसीमध्ये विमान सुरक्षितपणे खाली उतरले, तेथील केंद्रीय औद्योगिक सुरक्षा दल आणि स्पाइसजेटच्या सुरक्षा कर्मचार्‍यांनी प्रवाशाला पोलिसांच्या ताब्यात दिले. या विमानात एकूण ८९ प्रवासी होते. कोणताही अनर्थ किंवा अपघात घडण्यापासून बचावल्यामुळे लोकांना हायसे वाटले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 28, 2021 11:41 am

Web Title: on board passenger from delhi varanasi spicejet flight opens emergency door of plane mid air sbi 84
Next Stories
1 “देशाने वाजवलेल्या टाळ्या आणि थाळ्या करोना योद्ध्यांच्या ह्रदयाला स्पर्श करून गेल्या”
2 इंडोनेशिया : चर्चसमोर भयंकर बॉम्बस्फोट; मृतदेहाच्या उडाल्या चिंधड्या
3 भारत-बांगलादेश शांततेसाठी आग्रही
Just Now!
X