News Flash

पूँछ जिल्हय़ातील चकमकीत एकूण चार दहशतवादी ठार

कालपासून सुरू असलेल्या चकमकीत मारल्या गेलेल्या दहशतवाद्यांची संख्या आता चार झाली आहे.

काश्मीरमधील पूँछ जिल्हय़ातील चकमकीत सुरक्षा दलांनी आणखी एका दहशतवाद्यास ठार केले असून, कारवाईत मरण पावलेल्या दहशतवाद्यांची संख्या आता चार झाली आहे. सुरक्षा दलाच्या प्रवक्त्याने सांगितले, की आणखी एक दहशतवादी मारला गेला असून, कालपासून सुरू असलेल्या चकमकीत मारल्या गेलेल्या दहशतवाद्यांची संख्या आता चार झाली आहे.

तीन दहशतवादी व एक पोलीस अशा चार जणांचा काल मृत्यू झाला व सहा जण जखमी झाले, त्यात एका पोलीस अधिकाऱ्याचा समावेश होता. पूँछ शहरात सुरक्षा दले व चार दहशतवादी यांच्यात दोन चकमकी झाल्या. हुतात्मा पोलिसावर पूँछ येथे अंत्यसंस्कार करण्यात आले.

पोलीस महानिरीक्षक जॉनी विलीयन यांनी सांगितले, की एका दहशतवाद्याचा मृतदेह सापडला असून, तेथे काल एक दहशतवादी मारला गेला होता. बांधकाम चालू असलेल्या सचिवालयात गोळीबार चालू आहे. सुरक्षा दले व दहशतवादी यांच्यात दोन ठिकाणी चकमकी झाल्या आहेत. सचिवालयात आग लागली असून, हे ठिकाण लष्कराच्या ९३ ब्रिगेड मुख्यालयाजवळ आहे. पूँछ जिल्हा व अलाहपीर मोहल्ल्यातील एक घर येथे चकमकी झाल्या आहेत. दोन चकमकीत चार दहशतवादी सामील होते, असे पोलीस महासंचालक राजेंद्र कुमार यांनी सांगितले.

काल सायंकाळी दहशतवाद्यांनी जेथे आश्रय घेतला होता, तेथून एका नागरिक दाम्पत्याची सुटका करण्यात आली. अधिकाऱ्यांनी ड्रोन विमानांचा वापर करून सचिवालय संकुलातील दहशतवाद्यांना शोधून काढले. इतर ठिकाणीही काल चकमकी झाल्या होत्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 13, 2016 1:48 am

Web Title: one terrerist klilled in puch encounter
Next Stories
1 स्कूल चले हम….पाकिस्तानमधून आलेल्या मधूला दिल्लीच्या शाळेत प्रवेश
2 जे पी राजखोवा यांची अरुणाचलच्या राज्यपालपदावरुन गच्छंती
3 डी कंपनीला हस्तकानेच घातला ४० कोटी रुपयांचा गंडा
Just Now!
X